டேலி சொல்யூஷன் பிரைவேட் லிமிடெட் அதன் சமீபத்திய வெளியீடாக டேலி பிரைம் 6.0ஐ அறிமுகம் செய்துள்ளது. இது சிறு மற்றும் நடுத்தர நிறுவனங்களுக்கான நிதி செயல்பாடுகளை எளிதாக்கவும் கனெக்டட் பேங்கிங் அனுபவத்தின் மூலம் அதை சீரானதாகவும் மாற்றிடும் வகையில் வடிவமைக்கப்பட்டுள்ளது.
ஆகஸ்ட் 5, 2024 நிலவரப்படி, கோயம்புத்தூரில் 323,277 குறு, சிறு மற்றும் நடுத்தர நிறுவனங்கள் உள்ளன. இந்நிலையில் டேலி சொல்யூஷன்ஸ் தொழில்துறையில் தொழில்நுட்ப அமலாக்கத்தை தீவிரமாக இயக்கி வருகிறது.
ஆக்சிஸ் வங்கி மற்றும் கோடாக் மஹிந்தரா வங்கி உடனான கூட்டாண்மைகள் மூலம் பாதுகாப்பான உள்நுழைவு மற்றும் நிகழ்நேர இணைப்புடன் கணக்கியல் மற்றும் வங்கியை ஒரே அமைப்பில் ஒன்றிணைக்கிறது. பயனர்கள் நேரடி வங்கி இருப்புநிலைகள் மற்றும் பரிவர்த்தனை புதுப்பிப்புகளை நேரடியாக தளத்திற்குள் அணுகலாம்.
டேலி வணிகங்களுக்குள் பணம் செலுத்துதல், பரிவர்த்தனைகளை உடனடியாக சரிசெய்தல் மற்றும் வங்கி இருப்புநிலைகளை கண்காணிக்கும் திறனுடன் முழு கட்டுப்பாட்டையும் பராமரிக்கவும் முடியும்.
டேலி பிரைம் 6.0 அறிமுக விழாவின் போது, டேலி சொல்யூஷன்ஸ் இந்திய வணிகத் தலைவர் ஜாய்ஸ் ரே கூறுகையில், “டேலி பிரைம் 6.0 சிறு மற்றும் நடுத்தர வணிகங்களுக்கான நிதி நடவடிக்கைகளை எளிமைப்படுத்தவும், வலுப்படுத்தவும் உருவாக்கப்பட்டுள்ளது” என்றார்.
