ரியல் எஸ்டேட் தரகு நிறுவனமான இஎக்ஸ்பி இந்தியா, தங்களது கூட்டாளர் களுக்கான புதுமையான கிளவுட் அடிப்படையிலான தளத்துடன் சென்னை ரியல் எஸ்டேட் சந்தையை மாற்றுகிறது.
இது அவர்களுக்கு தொழில்நுட்பம், வீட்டின் விலை, பயிற்சி மற்றும் ஆதரவு ஆகியவற்றை எளிதாக அணுகுவதை வழங்குகிறது. இது ரியல் எஸ்டேட் தரகர்கள் மற்றும் முகவர்களின் கூட்டுக் கருவிகள், பயிற்சி மற்றும் நெட்வொர்க்கிங் ஆகியவற்றை அதன் 3-டி, முழுமையாக மூழ்கும் கிளவுட் ஆபிஸ் சூழல் மூலம் 24 மணி நேரமும் அணுகலை வழங்குகிறது.
ஈக்விட்டி வெகுமதி
உற்பத்தித்திறன் மற்றும் ஒட்டுமொத்த வணிக வெற்றிக்கான பங்களிப்புகளுக்காக அதன் தரவரிசையில் உள்ள ரியல் எஸ்டேட் நிபுணர்களுக்கு ஈக்விட்டி வெகுமதிகளை வழங்குவதில் நிறுவனம் தனித்துவமானது.
இஎக்ஸ்பி இந்தியாவின் வல்லுநர்கள் வாடிக்கையாளர்களுக்கு உள் ளூர் மற்றும் சர்வதேச ரியல் எஸ்டேட் பரிவர்த்தனைகள் குறித்து அவர்களின் விரிவான பரிந்துரை நெட்வொர்க் மூலம் ஆலோசனை வழங்குகின்றனர்.
வடக்கில் 402, தெற்கில் 384, கிழக்கில் 110, மேற்கில் 518 என கடந்த இரண்டு ஆண்டுகளில் 1000 நகரங்களில் 1,500 முகவர்களை இஎக்ஸ்பி இந்தியா வெற்றிகரமாகச் சேர்த்துள்ளது.
அடுத்த மூன்றாண்டுகளுக்கு இந்தியா முழுவதும் குறைந்தது 5,000 முகவர்களைச் சேர்ப்பதே இந்நிறுவனத்தின் இலக்காகும். கடந்த இரண்டு ஆண்டுகளில், இஎக்ஸ்பி இந்தியா 16 மாநிலங்களில் இருந்து ரேரா உரிமங்களைப் பெற்றுள்ளது, மேலும் நான்கு மாநிலங்களில் உரிமங்களை பெறவுள்ளது.
இஎக்ஸ்பி இந்தியாவின் நிர்வாக இயக்குநர் ஷஷாங்க் வசிஷ்தா கூறுகையில், 2022-ன் கடைசி சில மாதங்களில் சென்னையின் ரியல் எஸ்டேட் சந்தை உயர துவங்கியது.
இந்த நகரம் வெளிநாடு வாழ் இந்தியர்களுக்கு ஒரு பிரபலமான முதலீட்டு இடமாகவும் மாறியுள்ளது. தெற்கு சந்தை இப்போது தரகர்களுக்கான வாய்ப்புகளால் நிரம்பி வழிகிறது.
இந்த ஒழுங்கமைக்கப்படாத பிரிவை எங்கள் தளத்துடன் நெறிப்படுத்த விரும்புகிறோம். சென்னை எங்களுக்கு ஒரு பெரிய சந்தையாகும். எங்கள் காலடித் தடத்தை இங்கு தொடர்ந்து விரிவுபடுத்தவும், எங்கள் முகவர்களுக்கு குறிப்பாக பெண்களுக்கு நன்மைகளை வழங்கவும் திட்டமிட்டுள்ளோம் என்றார்.
சென்னையின் ரியல் எஸ்டேட் சந்தை கடந்த ஆண்டைக் காட்டிலும், 2022-ம் ஆண்டில் 27 சதவிகிதம் அதிகரித்த வீட்டுக் கடன் விகிதங்களின் விளைவாக விலை உயர்ந்துள்ளதாக 2022-ம் ஆண்டுக்கான நைட்பிராங் அறிக்கை கூறுகிறது.
