பெண்கள் வணிக ஆடைகள் பிரிவில் மீண்டும் நுழைகிறது பி.என்.ராவ் நிறுவனம்

கடந்த 1923-ல் தொடங்கப்பட்ட 100 வருட பழமையான ஃபேஷன் பிராண்ட் பி.என்.ராவ் தனது நூற்றாண்டு விழாவைக் கொண்டாடுகிறது.

பெங்களூரில் 5 கிளைகள் மற்றும் சென்னையில் 2 கிளைகள் கொண்ட இந்த பிராண்ட் செழுமையான பாரம்பரியத்தை அனுபவித்து வருகிறது. தற்போது பெண்கள் வணிக ஆடைகள் பிரிவில் மீண்டும் நுழையஉள்ளது.

செய்தியாளர் சந்திப்பில்,பி.என்.ராவ் இன் கூட்டாளர்களான மச்சேந்தர் பிஷே, சந்திரமோகன் பிஷே, நவீன் பிஷே, கேதன் பிஷே ஆகியோர் கூறியதாவது:
100 ஆண்டுகளைக் கொண்டாடுவது ஒரு பெரிய மைல்கல்.

தையல் பிராண்டாக பி.என்.ராவ்

சுதந்திரத்திற்கு முந்தைய நாட்களில் பிரிட்டன் நாட்டு பெண்களுக்கான ஆடைகளை தயரிக்கும் மகத்தான பெருமையைப் பெற்ற பெண்களின் தையல் பிராண்டாக பி.என்.ராவ் தொடங்கியது என்பதை அறிவது சுவாரஸ்யமாக இருக்கும்.

சுதந்திரத்திற்குப் பிறகு, நிறுவனரின் மூத்த மகன் பி.என். பாண்டுரங்க ராவ், ஆண்களுக்கான பேட்டர்ன் மேக்கிங் கலையைக் கற்றுக்கொண்டார். இது நிறுவனம் ஆண்களுக்கான உடைகள் பிராண்டாக மாறுவதற்கு முக்கிய காரணமாகும்.

பி.என்.ராவ் பெங்களூரின் புறநகர்ப் பகுதியில் பிரத்யேகமான டெய்லரிங் யூனிட்களில் ஒன்றைக் கட்டியுள்ளது, இது முற்றிலும் சூரிய சக்தியில் இயங்குகிறது.

பெண்கள் வணிக ஆடைகளில் மீண்டும் நுழைவதற்கான அதன் நோக்கத்துடன், இந்த பிராண்ட் ஆண்கள் மற்றும் பெண்கள் இருவருக்கும் ஒரு முழுமையான ஃபேஷன் உடைகள் பிராண்டாக மாறும்.

புகழ்பெற்ற கைவினை த்திறன் மற்றும் சேவையின் வரலாறு பெண்களின் ஆடைத் துறையில் மீண்டும் நிகழப்போகிறது என்றனர்.

இந்த பிராண்ட் பெங்களூரு நகரின் சிறந்த 100 பெயர்கள் /பிராண்டுகள் / நிறுவனங்களை கௌரவித்தது. அவர்கள் நகரத்திற்கு பங்களிப்பதில் முக்கிய பங்கு வகித்தனர்.

நகரத்திற்கு ஒரு பெயரை உருவாக்கினர். அதனுடன் பிராண்டின் காபி டேபிள் புத்தகத்தையும் அவர்கள் வெளியிட்டனர். இது பிராண்ட் பயணத்தை மட்டுமல்ல, நகரத்தின் பயணத்தையும் உள்ளடக்கியது.

மறைந்த பிஷே நாராயண் ராவின் சிலை திறக்கப்பட்டது.