ஈரோடு, ராணிப் பேட்டை, கன்னியாகுமரி, திருப்பத்தூர் ஆகிய 4 மாவட்டங்களில் 52 லட்சம் பேருக்கு சமூக அளவிலான புற்றுநோய் பரிசோதனை திட்டத்தை பவானி காலிங்கராயன் பாளையத்தில் இன்று (புதன் கிழமை) நடைபெற்ற நிகழ்ச்சியில் சுகாதாரத் துறை அமைச்சர் மா.சுப்பிரமணியன் தொடங்கி வைத் தார்.
அமைச்சர் மா.சுப்பிரமணியன் பேசியதாவது:
அருகில் உள்ள மருத்துவமனைகளில் மார்பக, கர்ப்பப்பை வாய் மற்றும் வாய் புற்றுநோயை பரிசோதிப்பதற்காக சுகாதார ஊழியர்கள் வீடு வீடாகச் சென்று மக்களை அழைப்பார்கள்.
700 பெண் மருத்துவர்கள், 1300 சுகாதாரப் பணிய £ளர்கள் மற்றும் 1500 தன்னார்வலர்கள் இத் திட்டத்தில் ஈடுபடுவார்கள். ஸ்கிரீனிங் ஆரம்பகால கண்டறிதல் மற்றும் உயிரைக் காப்பாற்ற சிகிச்சை உறுதி செய்யும்.
ஈரோடு கிழக்கு இடைத்தேர்தலின் போது மாவட்டத்தில் அதிகரித்து வரும் புற்றுநோயை தடுக்க, பலர் வேண்டுகோள் விடுத்தனர்.
1,2 நிலை புற்றுநோயை குணப்படுத்த முடியும். மற்றும் 3 மற்றும் 4 வது கட்டத்தை குணப்படுத்த முடியாது. எனவே, தோல் பதனிடும் தொழிற்சாலைகள் அதிகம் உள்ள ராணிப்பேட்டை, திருப்பத்தூர், ஜவுளி சாயமிடும் யூனிட்கள் அதிகம் உள்ள ஈரோடு, ரப்பர் பண்ணைகள் அதிகம் உள்ள கன்னியாகுமரி ஆகிய இடங்களில் இத்திட்டத்தை முதல்வர் அனுமதித்தார்.
இம்மாவட்டங்களில் புற்றுநோய் அதிகமாக இருக்கிறது. டோக்கி யோவில் உள்ள திட்ட மாதிரியில், இம்முகாம் ஏற்பாடு செய்யப்படும். 4 மாவட்டங்களில் உள்ள 1397 மருத்துவமனைகளில், முகாம்கள் நடத்தப்படும்.
ரூ.25 கோடி செலவில் கட்டப்பட்டுள்ள 24 சுகாதாரத் துறை கட்டிடங்களை முதல்வர் விரைவில் திறந்து வைக்க உள்ளார். கோவையில் ரூ.12 கோடி மதிப்பிலான புற்றுநோய் கண்டறியும் இயந்திரம் இன்று மாலையும், சேலம் மருத்துவக் கல்லூரியில் நவம்பர் 30-ம் தேதியும் திறக்கப்படுகிறது.
220 கோடி செலவில் மும்பையில் உள்ளது மாதிரி காஞ்சிபுரத்தில் விரைவில் புற்றுநோய் ஆராய்ச்சி நிலையம் திறக்கப்படும். புற்றுநோய் மற்றும் தொழுநோயை 2025 ஆம் ஆண்டுக்குள் ஒழிக்க அரசு இலக்கு நிர்ணயித்துள்ளது. ஜப்பானை போல், சமீபத்தில் மக்களின் வாழ் வாதாரத்தை மேம்படுத்த 38 மாவட்டங்களில், தினசரி 8 கிமீ நடைபாதைகள் திறக்கப் பட்டன.
மேலும், மக்களின் நலனை மேம்படுத்தும் வகையில் பல சுகாதார திட்டங்கள் அறிமுகப்படுத் தப்பட்டுள்ளன. இவ்வாறு அவர் பேசினார். முன்னதாக, அவர் 3.63 கோடி மதிப்பிலான 12 புதிய கட்டிடங்கள் மற்றும் கருவிகள் வழங்கும் திட்டத்தை அமைச்சர் தொடங்கி வைத்தார்.
வீட்டு வசதித்துறை அமைச்சர் எஸ்.முத்துசாமி, எம்.எல்.ஏ.க்கள் டாக்டர் சி.கே.சரஸ்வதி, ஏ.ஜி.வெங்க டாசலம், மேயர் நாகரத்தினம் சுப்ரமணியம், கலெக்டர் ராஜகோபால் சுங்கரா, பொது சுகாதாரத்துறை இயக்குனர் டி.எஸ்.செல்விநாயகம் உட்பட பலர் விழாவில் கலந்து கொண்டனர்.
கைத்தறி மற்றும் துணிநூல் துறை அமைச்சர் காந்தி (ராணிப் பேட்டை), கன்னியாகுமரி மற்றும் திருப்பூர் மாவட்ட கலெக்டர்கள் ஆன்லைன் மூலம் பேசினர்.
