டேலி எம்.எஸ்.எம்.இ ஹானர்ஸ் 2021 விருது கௌரவத்தின் முதல் பதிப்பில், கோவையைச் சேர்ந்த ஃபிஷர் பம்ப்ஸ், சான்வி அக்ரிகல்ச்சரல் புராடக்ட்ஸ், மகேந்திரா பம்ப்ஸ் ஆகிய நிறுவனங்களுக்கு வழங்கி கௌரவிக்கப்பட்டுள்ளது.
டேலி எம்.எஸ்.எம்.இ ஹானர்ஸ் கௌரவ விருது என்பது அடிமட்டத்திலிருந்து பங்காற்றி தேசிய பொருளாதார நிலை வரை உண்மையான தாக்கத்தை ஏற்படுத்தி, மாற்றத்தை உருவாக்குபவர்களின், பன்முகத்தன்மை மற்றும் இடைவிடாத பங்க ளிப்புகளைக் கௌரவித்து அங்கீகரிக்கும் ஒரு முன் முயற்சியாகும்.
சர்வதேச எம்.எஸ்.எம்.இ தினத்தையொட்டி இந்த கௌரவம் மற்றும் விருது வருடத்திற்கு ஒரு முறை வழங்கப்படும்.
மேலும் 250 கோடி ரூபாய்க்கும் குறைவான வருவாய் மற்றும் தகுதியான ஜி.எஸ்.டி. பதிவு கொண்ட அனைத்து வகையான வணிகங்களுக்கும் இந்த கௌரவம் மற்றும் விருதுகள் பொருந்தும்.
ஃபிஷர் பம்ப்ஸ் நிறுவனம் ஐடியா ஐகான் (புதுமைச் சிந்தனை அடையாளம்) என்ற பிரிவில் கௌரவத்தைப் பெற்றுள்ளது.
குறிப்பாக மருத்துவர்கள் மற்றும் முன்கள சுகாதார ஊழியர்களுக்கு காற்று சுத்திகரிப்பு சுவாசக் கருவியைக் கண்டுபிடித்ததற்காக இந்த நிறுவனம் கௌரவிக்கப்பட்டுள்ளது.
கோவிட்-19க்கு எதிரான நடவடிக்கைகளில் பணியாற்றும் முன்களப் பணியாளர்களுக்கு தனி நபர் பாதுகாப்பு கவச உடைகள் மற்றும் உப கரணங்கள் (பிபிஇ கிட்) பிரிவில் இது வருகிறது.
இது 99.9 சதவீத சுத்திகரிக்கப்பட்ட காற்று மற்றும் முழு முகப் பாது காப்பை வழங்குகிறது.
சான்வி அக்ரிகல்ச்சரல் புராடக்ட்ஸ் நிறுவனத்தின் எஸ்.ஆனந்தி, எஸ்.பரமேஸ்வரி ஆகியோர் வியக்கத்தக்க பெண்கள் பிரிவில் கௌரவிக்கப்பட்டுள்ளனர்.
நிலையான விவசாய பொருட்கள் பிரிவில் புதுமைகளை கண்டுபிடித்ததற்காகவும், வெற்றி கரமான வணிகத்தை ஏற்படுத்தியதற்காகவும், வணிகத்தில்
பெண்களை ஊக்குவித்து சிறந்த அடையாளமாகத் திகழ்வதற்காகவும் இவர்கள் கௌரவிக்கப்பட்டுள்ளனர்.
மலர் வளர்ப்பு, தோட்டக்கலை மற்றும் வேளாண்மை ஆகியவற்றில் சரியான தரமானவற்றைப் பயன்படுத்துவதை உறுதிசெய்யும் நோக்கில் இவர்களின் அனைத்து தயாரிப்புகளும் இயற்கை முறையில் தயாரிக்கப்படுகின்றன.
மறுபுறம் மகேந்திரா பம்ப்ஸ் நிறுவனம் கடந்த 60 ஆண்டுகளாக மோட்டார்கள் மற்றும் பம்புகள் சந்தையில் சிறந்த இடத்தைப் பெற்றுள்ளது.
இந்த நிறுவனத்தின் அயராத முயற்சிகளுக்காக பிசினஸ் வெட்ரன் (புகழ்பெற்ற தொழில் நிறுவனம்) பிரிவில் இது கௌரவிக்கப்பட்டுள்ளது.
தமது முதல் பதிப்பில், டேலி எம்.எஸ்.எம்.இ ஹானர்ஸ்,
தமிழ்நாட்டில் 7 குறு, சிறு, நடுத்தர நிறுவனங்களையும் (எம்.எஸ்.எம்.இ.), நாடு ழுழுவதும் 81 நிறுவனங்களையும் கௌரவித்துள்ளது.
நான்கு மண்டலங்களில் இந்த நிறுவனங்கள் தேர்வு செய்யப்பட்டுள்ளன. கிழக்கு, மேற்கு, வடக்கு மற்றும் தெற்கு என நான்கு மண்டலங்களில் ஐந்து பிரிவுகளில் கவுரவங்கள் வழங்கப்பட்டுள்ளன.
