கோயம்புத்தூர் ஜவுளி வியாபாரிகள் சங்கத்தின் 75 ஆம் ஆண்டு பவள விழாவை முன்னிட்டு ராஜவீதியில் உள்ள கோயமுத்தூர் துணி வணிகர் சங்க அரசு மகளிர் மேல்நிலைப் பள்ளிக்கு ரூ.10 லட்சம் மதிப்பிலான 3 ஆயிரம் சதுர அடிகள் கொண்ட வெளிப்புற அரங்கம் அர்ப்பணிப்பு விழா நடைபெற்றது.
அதற்கான அர்ப்பணிப்பு சான்றிதழை கோயம்புத்தூர் ஜவுளி வியா பாரிகள் சங்கத்தின் தலைவர் டி.கே.ரவிந்திரன் வழங்க, அதனை கோவை கோயம்புத்தூர் வணிகர் சங்க அரசு மகளிர் மேல்நிலைப் பள்ளியின் தலைமை ஆசிரியர் மணியரசி பெற்றுக் கொண்டார்.
தொடர்ந்து நடைபெற்ற விழாவில் சங்கத்தின் செயலாளர் ஆர்.முரளி வரவேற்றுப் பேசினார். முன்னாள் பள்ளியின் தலைமை ஆசிரியர் சந்திரசேகர் மற்றும் கட்டிட பொறியாளர் ஜெகதீசன் ஆகியோர் வாழ்த்துரை வழங்கினர்.
நிகழ்ச்சியில் சங்கத்தின் துணைத் தலைவர் தனபால், இணைச் செயலாளர் கமல் பாட்ஷா, பொருளாளர் என்.பி குமார் ஆகியோர் முன்னிலை வகித்தனர்.
அறம் அறக்கட்டளை
தொடர்ந்து, தலைமை ஆசிரியர் மணியரசிக்கு பணி ஓய்வு காரணமாக அவரது சேவையை பாராட்டியும், கட்டிட பொறியாளர் ஜெகதீசன் மற்றும் மேற்கூரை அமைத்து கொடுத்த ஆர்.சுரேஷ் மற்றும் அறம் அறக்கட்டளை தலைவர் ரகுராம் சமூகப் பணிகளை பாராட்டியும் கோயம்புத்தூர் ஜவுளி வியாபாரிகள் சங்கத்தின் சார்பில் நினைவு பரிசு வழங்கப்பட்டது.
நிகழ்ச்சியில், சங்கத்தின் முன்னாள் மூத்த நிர்வாகிகள் இந்தர் சந்து, துரைராஜ், ராமகிருஷ்ணன், ஏ எம் எஸ் செல்வன் மற்றும் ஆசிரியர்கள் பள்ளி மாணவிகள் பலர் கலந்து கொண்டனர்.
