கார்ல் குபெல் மேம்பாட்டுக் கல்வி நிறுவனம் (K-KID), கோவை யில் உள்ள தனது மாங்கரை வளாகத்தில், அக்டோபர் 14 முதல் 16 வரை “நியாயமான புலம்பெயர்வை ஒன்றிணைந்து வடிவமைத்தல்” (Shaping Fair Migration Together) என்ற தலைப்பிலான மூன்று நாள் சர்வதேச மாநாட்டை நடத்து கிறது. இந்த மாநாடு இன்று காலை தொடங்கியது.
இம்மாநாடு வேலையளிப்பவர் கள், திறன்மிக்க தொழிலாளர்கள், ஆள்சேர்ப்பாளர்கள், சிவில் சமூகப் பிரதிநிதிகள் மற்றும் அரசுத் தரப்பினரை ஒன்றிணைக்கிறது.
மொழித் தடைகள், புலம்பெயர்ந்தோர் ஒருங்கிணைப்பு, குடும்பத்துடன் புலம்பெயரும்போது ஏற்படும் செலவுகள், தனிமை மற்றும் நம்பகத்தன்மையற்ற ஆள்சேர்ப்புத் தகவல்கள் போன்ற சவால்களைக் கையாண்டு, 2022-ஆம் ஆண்டின் இந்தியா- & ஜெர்மனி இடையிலான ‘விரிவான புலம்பெயர்வு மற்றும் இயக்கம் சார்ந்த கூட்டாண்மை ஒப்பந்தத்தை’ நடைமுறைச் செயல்பாடுகளாக மாற்றுவதே இம்மாநாட்டின் நோக்கமாகும்.
2024-ஆம் ஆண்டில் இருந்து ஜெர்மனியில் இந்திய வம்சாவளி யைச் சேர்ந்த 2,87,000க் கும் மேற்பட்டோர் வசித்து வருகின்றனர். இவர்களில் சுமார் 1,55,000 இந்தியக் குடிமக்கள் தகவல் தொழில்நுட்பம், சுகாதாரம், கல்வி மற்றும் பொறியியல் துறைகளில் பணியாற்றி வருகின்றனர். மேலும், 60,000-க்கும் மேற்பட்ட இந்திய மாணவர்கள் ஜெர்மன் பல்கலைக்கழகங்களில் பயின்று வருகின்றனர்.
குடும்பம் மற்றும் குழந்தைகளின் நலனை மேம்படுத்துவதோடு, இதில் சம்பந்தப்பட்ட அனைத்துத் தரப்பினருக்கும் பயனளிக்கும் வகையிலான ஒரு நியாயமான புலம்பெயர்வு முறையை உருவாக்குவதே இந்த முயற்சியின் நோக்கம் என்று K-KID-ன் நிர்வாக இயக்குநர் கைலாஷ் ஹரிஹரன் ஐயர் தெரிவித்தார்.
மாநாட்டின் முதல் நாள் புலம்பெயர்ந்தோரின் பயணங்கள் மற்றும் புறப்படுவதற்கு முந்தைய உதவிகள் குறித்தும், இரண்டாம் நாள் நெறிமுறை சார்ந்த ஆள்சேர்ப்பு மற்றும் தொழிலாளர் பாதுகாப்பு குறித்தும், மூன்றாம் நாள் ஒருங்கிணைந்த செயல்பாடுகள் மூலம் இருதரப்பு உறுதிமொழிகளைச் செயல்படுத்துவது குறித்தும் கவனம் செலுத்தும்.
30 ஆண்டுகால பாரம்பரியம் கொண்ட K-KID நிறுவனம், பயிற்சி, தலைமைத்துவம் மற்றும் சமூகத் தாக்கம் சார்ந்த திட்டங்களுக்காக மேம்பாட்டு நிறுவனங்கள், தனியார் நிறுவனங்கள், அரசு அமைப்புகள் மற்றும் அரசு சாரா நிறுவனங்களுடன் இணைந்து பணியாற்றி வருகிறது என்பது குறிப்பிடத்தக்கது.
