சென்னை எழும்பூர் ரயில் நிலையத்தில் குடும்பம் ஒன்றிற்கு ஏற்பட்ட பெரும் பதற்றமும் கவலையும், ரயில்வே பாதுகாப்புப் படை மற்றும் அரசு ரயில்வே போலீஸ் ஆகியோரின் உடனடி மற்றும் ஒருங்கிணைந்த முயற்சியால் ஒரு சில நிமிடங்களில் நிம்மதியாக மாறியது.
கடந்த 28 மே 2026 அன்று மாலை சுமார் 5 மணியளவில், சென்னை எழும்பூர் ரயில் நிலையத்தின் 5-வது நடைமேடையில் பயணிகள் அனைவரும் வண்டி எண்: 12633 சென்னை எழும்பூர் & கன்னியாகுமரி எக்ஸ்பிரஸ் ரயிலில் ஏறிக்கொண்டிருந்தனர். அப்போது ஏற்பட்ட பயணியர் கூட்ட நெரிசலில், ஐந்து வயது சிறுமி தர்ஷனா தற்செயலாகத் தனது பெற்றோரை விட்டுப் பிரிந்துவிட்டார். குழந்தையைத் தொலைத்துவிட்டு மிகுந்த மனவேதனையுடன் தேடிக்கொண்டிருந்த அந்தத் தாயை, அங்கு வழக்கமான ரோந்துப் பணியில் ஈடுபட்டிருந்த ஆர்.பி.எஃப் பெண் காவலர் ஸ்வாதி கவனித்தார்.
சூழலின் தீவிரத்தை உடனடியாக உணர்ந்த அந்த ஆர்.பி.எஃப் காவலர், உடனடியாக ரயில் நிலையம் முழுவதும் பாதுகாப்புப் பணியில் இருந்த சக ஆர்.பி.எஃப் மற்றும் ஜி.ஆர்.பி ஊழியர்களை எச்சரித்து, ஒருங்கிணைந்த தேடுதல் பணியைத் தொடங்கினார். மிகவும் துரிதமாகவும் முறையான திட்டமிடலுடனும் செயல்பட்ட இந்த கூட்டுக்குழு, ரயில் நிலையத்தின் முக்கியப் பகுதிகள் அனைத்திலும் தீவிரமாகத் தேடியது.
இதன் பலனாக, மிகக் குறுகிய காலத்திற்குள் அதே ரயிலின் ஏ2 பெட்டியின் அருகே அச்சிறுமி பத்திரமாகத் கண் டறியப்பட்டார். மீட்கப்பட்ட சிறுமி உடனடியாக அவரது பெற்றோரிடம் ஒப்படைக் கப்பட்டார். இது அந்த குடும்பத்தினருக்குப் பேரானந் தத்தையும் நிம்மதியையும் அளித்தது. இக்கட்டான இந்தச் சூழலை ரயில்வே பாது காப்புப் படையினர் மிகவும் திறம்பட கையாண்டதால், அந்த எக்ஸ்பிரஸ் ரயில் எவ்விதத் தாமதமுமின்றி புறப்பட்டுச் சென்றது. தங்களின் துரிதமான நடவடிக்கை மற்றும் கனிவான உதவிக்காக ஆர்.பி.எஃப் மற்றும் ஜி.ஆர்.பி குழுவினருக்குக் குழந்தையின் பெற்றோர் தங்களது நெஞ்சார்ந்த நன்றியைத் தெரிவித்துக் கொண்டனர்.
630 குழந்தைகளை மீட்ட சென்னை கோட்ட ஆர்.பி.எஃப்
சென்னை கோட்ட ஆர்.பி.எஃப் கடந்த நிதியாண்டில் மட்டும் வீட்டை விட்டு ஓடிவந்த/காணாமல் போன 117 சிறுமிகள் உட்பட மொத் தம் 630 குழந்தைகளை மீட்டு உரிய அதிகாரிகளிடம்/நபர்களிடம் ஒப்ப டைத்துள்ளது.
ரயில் நிலையங்களில் ஏதேனும் உதவி தேவைப்படும் பயணிகள், தங்க ளுக்கு அருகிலுள்ள ஆர்.பி.எஃப் அல்லது ஜி.ஆர்.பி ஊழியர்களைத் தாராளமாக அணுகலாம். மேலும், உடனடி உதவி மற்றும் புகார்களுக்கு ரயில்வே உதவி எண் 139 அல்லது ‘ரெயில் மதத்’ (RailMadad) இணை யதளம்/செயலியைப் பயன்படுத்தினால் உடனடி உதவி கிடைக்கும்.
