சர்வதேச கல்விச் சேவைகளில் உலகளாவிய முன்னணி நிறுவனமான ஐடிபி, திருச்சி உட்பட இந்தியா முழுவதும் ஒரே நேரத்தில் 23 புதிய கல்வி மையங்களை துவங்கியுள்ளது.
காந்திநகர், ஆனந்த், ராய்ப்பூர், சிம்லா, குருக்ஷேத்ரா, ஜம்மு, திருச்சி, திருச்சூர், பாட்னா, கவுகாத்தி, கோழிக்கோடு, ஆக்ரா, ஜோத்பூர், கான்பூர், வாரணாசி, பிரயாக்ராஜ், மீரட், ஹூப்ளி, வாரங்கல், திருப்பதி, காக்கிநாடா, கோவா, நாசிக் ஆகிய இடங்களில் புதிய மையங்கள் அமைக்கப்பட்டுள்ளன. இதன் மூலம் ஐடிபி தற்போது இந்தியாவில் 60 நகரங்களில் 67 அலுவலகங்களைக் கொண்டுள்ளது. இந்தியா முழுவதும் 24 மெய்நிகர் அலுவலகங்களைக் கொண்டுள்ளது, இதன் மூலம் நாட்டின் எந்தப் பகுதியிலிருந்தும் மாணவர்கள் ஐடிபியின் ஆலோசகர்களுடன் தொடர்பு கொள்ளலாம்.
ஆஸ்திரேலியா, அமெரிக்கா, இங்கிலாந்து, கனடா, நியூசிலாந்து மற்றும் அயர்லாந்து ஆகிய நாடுகளில் உள்ள பல்கலைக்கழகங்கள் மற்றும் நிறுவனங்களில் படிக்க விரும்பும் மாணவர்கள் இந்த புதிய மையங்கள் மூலம் மெய்நிகர் அல்லது தனிப்பட்ட முறையில் ஐடிபியின் ஆலோசனை சேவைகளை அணுகலாம்.
கல்வி மற்றும் பல்கலைக்கழக தேர்வு, விண்ணப்பம் சமர்ப்பித்தல், சலுகை ஏற்பு, விசா உதவி, தங்குமிடம் கண்டறிதல், உடல்நலக் காப்பீட்டுக்கு விண்ணப்பித்தல், வங்கிக் கணக்கு தொடங்குதல் போன்ற பல்வேறு சேவைகளை இந்த மையங்கள் மாணவர்களுக்கு வழங்கும்.
இது குறித்து ஐடிபி கல்வி நிறுவனத்தின் தெற்காசியாவிற்கான பிராந்திய இயக்குநர் பியூஷ் குமார் கூறியதாவது:
தற்போது 2 அடுக்கு நகரங்களில் வசிக்கும் மாணவர்களை நேரடியாக தொடர்பு கொள்வதன் மூலம், எங்களது வரம்பை மேலும் விரிவுபடுத்துகிறோம். சரியான ஆதாரங்கள் மற்றும் தகவல்களுடன் எங்களால் முடிந்தவரை பல மாணவர்களுக்கு சேவை அளிக்க நிபுணர் வழிகாட்டுதலை ஒவ்வொரு பிராந்தியத்திற்கும் எடுத்துச் செல்வதில் தொடர்ந்து பணியாற்றி வருகிறோம் என்றார்.
ஐடிபி கல்வி நிறுவனம் மாணவர்களுக்குத் தனிப்பயனாக்கப்பட்ட வெளிநாட்டுக் கல்வி உதவியை வழங்குகிறது. மாணவர்களின் சர்வதேச கல்வி மற்றும் தொழில் இலக்குகளை அடைய உதவுகிறது.
