கோவை மாவட்டம், மோப்பிரிபாளையம், கொடிசியா (CODISSIA) தொழில் பூங்காவின் உட்கட்டமைப்பு வசதிகள் மற்றும் தொழில் நிறு வனங்களை நேற்று (நவ.3) மாவட்ட ஆட்சியர் டாக்டர் ஜி.எஸ்.சமீரன் ஆய்வு செய்தார்.
இச்செய்தியாளர் பயணத் தின்போது மாவட்ட ஆட் சியர் செய்தியாளர்களிடம் தெரிவித்ததாவது:
கோவை மாவட்டம், குறிச்சி, மலுமிச்சம்பட்டி ஆகிய இரண்டு தொழிற்பேட்டைகளில் 99 மேம்படுத்தப்பட்ட தொழில் மனைகள் மற்றும் 271 தொழிற்கூடங்கள் உள்ளன.
காளப்பட்டியிலுள்ள மின்னணு மற்றும் மின்னணுவியல் தொழிற்பேட்டை, தொழில் வணிகத்துறை ஆணையரகத்திடம் இருந்து சிட்கோவுக்கு மாற்றப்பட் டுள்ளது. அதில் உள்ள 29 தொழிற்கூடங்கள் அனைத்தும் ஒதுக்கீடு செய்யப்பட்டுள்ளன.
இத்தொழிற்பேட்டையில் அடிப்படை உட்கட்டமைப்பு வசதிகளான தெருவிளக்குகள், சாலைகள், தண்ணீர் விநியோகம் மற்றும் வடிகால் வாய்க்கால் ஆகிய வசதிகள் உள்ளன.
குறிச்சி தொழிற்பேட்டையில் தானியங்கி உதிரிபாகங்கள், அச்சு மற்றும் வார்ப்புகள், மோட்டார் மற்றும் பம்பு பாகங்கள், நூற்பு ஆலை பாகங்களும், மலு மிச்சம்பட்டி தொழிற்பேட்டை யில் காலணிகள், பிளாஸ்டிக் நீர் தொட்டிகள், பொறியியல் பாகங்கள், பொறியியல் கட்டு மானமும் மற்றும் காளப்பட்டி தொழிற்பேட்டையில் பொது பொறியியல், ஆட்டோ உதிரி பாகங்கள், காலணிகள், ஆடை இயந்திர உதிரி பாகங்கள், மாவரைக்கும் இயந்திர பாகங்கள் தொடர்பான உற்பத்தி தொழிற் சாலைகள் இயங்கி வருகின்றன.
இதன் மூலம் சுமார் 5000 ஆண்கள் மற்றும் 2500 பெண் கள் உட்பட மொத்தம் 7500 பேர் வேலைவாய்ப்பினை பெற்றுள்ளனர்.கோவை மாவட்டத்தில் குறு சிறு மற்றும் நடுத்தர தொழில் நிறுவனங்களுக்காக தமிழ்நாடு சிட்கோ மூலம் செயல்படுத்தப்பட்டு வரும் புதிய தனியார் தொழிற்பேட்டைகள் உருவாக்குதல் திட்டத்தின் கீழ் மேட்டுப்பாளையம், சிறுமுகையில் 13.45 ஏக்கர் பரப்பளவில் ரூ.6 கோடி மதிப்பில் தேயிலை குழுமம், மோப்பிரிபாளையத்தில் 227ஏக்கர் பரப்பளவில் ரூ.24.32 கோடி மதிப்பில் கொடிசியா(CODISSIA) தொழில் பூங்கா, பொது உற்பத்தி உட்கட்டமைப்பு வசதி திட்டங்கள் (CPI) – கீழ் சூலூர் வட்டம், அப்பநாயக்கன்பட்டி புதூரில் ரூ.4கோடி மதிப்பில் பிளாஸ்டிக் மறுசுழற்சி குழுமம் ஆகியவை செயல்பட்டு வருகின்றன.
கள்ளப்பாளையத்தில் 116 ஏக்கர் பரப்பளவில் ரூ.24.32 கோடி மதிப்பில் கொடிசியா (CODISSIA) தொழில் பூங்கா, சொலவம்பாளையத்தில் 42.42ஏக்கர் பரப்பளவில் ரூ..18.06 கோடி மதிப்பில் கொசிமா (COSIEMA) தொழில் பூங்கா, வெள்ளலூரில் ரூ.4.44 கோடி மதிப்பில் வார்ப்பு குழுமம், மதுக்கரையில் ரூ.4.76 கோடி மதிப்பில் பொறியியல் குழுமத்திற்கான பணிகள் நடைபெற்று வருகின்றன.
பொது வசதி மையம் குறு மற்றும் சிறு தொழில்கள் (MSE) / குழும வளர்ச்சி திட்டத்தின் (CDP) கீழ் ரூ.15.30கோடி மதிப்பில் தங்க நகைக் குழுமம் புதிய திட்டங்கள் செயல்படுத்தப்படவுள்ளன.
கிட்டாம்பாளையத்தில் 316.04 ஏக்கர் பரப்பளவில் ரூ.24.61 கோடி மதிப்பில் அறிஞர் அண்ணா தொழிற் கூட்டுறவு தொழிற்பேட்டை மற்றும் சின்னவேடம்பட்டியில் ரூ.5.73கோடியில் அலுமினியம் அச்சுவார்ப்பு குழுமம் தொடங்கப்பட உள்ளது..
மோப்பிரிபாளையத்தில் கொடிசியா (CODISSIA) தொழில் பூங்காவில் சி.என்.சி இயந்திரங்களில் உபயோகப்படுத் தப்படும் கருவிகள் தயாரிக்கும் பால்கன்டூலிங் நிறுவனம், மோட்டார் உதிரிபாகங்கள் தயாரிக்கும் பெர்பெக்ட் இன்டஸ்ட்ரீஸ் நிறுவனம் ஆகியவற்றை பார்வையிட்டு, கருவிகள், உதரிபாகங்கள் எவ் வாறு தயாரிக்கப்படுகின்றன என்பது குறித்து தொழில் நிறுவன பணியாளர்களிடம் கேட்டறியப்பட்டது.
கொடிசியா தொழில் பூங்காவின் வரைபடம் பார்வையிட்டு ஆய்வு மேற்கொள் ளப்பட்டது. இவ்வாறு மாவட்ட ஆட்சியர் டாக்டர் ஜி.எஸ்.சமீரன் செய்தியாளர்களிடம் தெரிவித்தார்.
மோப்பிரிபாளையம் பெரியார் நினைவு சமத்துவபுரம் மற்றும் அரசூர் ஊராட்சியில் தூய்மை பாரதம் இயக்கத்தின் கீழ்ரூ.5.25 லட்சம் மதிப்பில் கட்டப்பட்டுள்ள, சமூக சுகாதார வளாகம் ஆகியவற்றை மாவட்ட ஆட்சியர் பார்வையிட்டு ஆய்வு மேற்கொண்டார்.
செய்தியாளர் பயணத்தின் போது, சிட்கோ மேலாளர் ஷர்மிளா, மோப்பிரிபாளையம் பேரூராட்சி தலைவர் சசி குமார், வார்டு உறுப்பினர் சத்தியவாணன் உட்பட பலர் கலந்து கொண்டனர்.
