கோவை பி.எஸ்.ஜி.ஆர்.கிருஷ்ணம்மாள் மகளிர் கல்லூரியின் நிறுவனர் தினம் மற்றும் வைரவிழா கல்லூரி வளாக அரங்கில் நடைபெற்றது. நிர்வாக அறங்காவலர் ஜி.ரங்கசாமி தலைமையில் நடைபெற்ற விழாவில், கல்லூரியின் தலைவர் நந்தினி ரங்கசாமி முன்னிலை வகித்தார்.
சிறப்பு விருந்தினர்களாக,. சென்னை டி.வி.எஸ் சப்ளை செயின் சொல்யூசன்சின் துணைத்தலைவர் தினேஷ், ஹைதராபாத்தைச் சேர்ந்த ஸ்டார்ட் அப் இவாஞ்சலிஸ்ட் ஆலோசகர் சௌத்ரி நூதனர் ஆகியோர் கலந்து கொண்டனர்.
வைர விழாவை கொண்டாடும் விதமாக கிருஷ்ணம்மாள் மகளிர் கல்லூரியின் புதிய K.C.W (கே.சி.டபிள்யூ) எனும் நவீன லோகோ வெளியிடப்பட்டது.
கிருஷ்ணம்மாள் காலேஜ் ஃபார்வுமன்
கிருஷ்ணம்மாள் காலேஜ் ஃபார்வுமன் என இனி வரும் காலங்களில் அழைக்கும் வகையில் புதிய லோகோவை வெளி யீடு செய்துள்ளதாக கல்லூரியின் தலைவர் நந்தினி ரங்கசாமி மற்றும் பேராசிரியர் பால சுப்ரமணியம் ஆகியோர் தெரிவித்தனர். முன்னதாக நடைபெற்ற விழா துவக்க விழாவில் கல்லூரி மாணவியர்களின் தேசிய மாணவர்படை அணி வகுப்பு நடைபெற்றது.
பின்னர் நடந்த கலைநிகழ்ச்சியில் 408 மாணவிகள் இணைந்து பெண் சக்தியை சித்தரிக்கும் வகையில் நடனமாடி அசத்தினர். தொடர்ந்து நடைபெற்ற விழாவில், ஜி ஆர் ஜி இன்குபேட்டரை சிறப்பு விருந்தினர் சவுத்ரி அறிமுகப்படுத்தினார் . ஜி ஆர் ஜி சென்டர் ஆஃப் எக்ஸ்லென்ஸ் இன் லைப் சயின்ஸ் துறையை சிறப்பு விருந்தினர் தினேஷ் துவக்கி வைத்தார்.
தொடர்ந்து பெங்களூ ரைச் சேர்ந்த சுந்தர்ராஜ் தியோடர் பாஸ்கரனுக்கு ஜி ஆர் ஜி நினைவு வாழ்நாள் சாதனையாளர் விருதும், பிராண்ட் அம்பாசிடர் விருது பேராசிரியை அகிலா ராஜேஸ்வர், கீதா ராம் மற்றும் விமலா ஆகியோருக்கு வழங்கப் பட்டது.
இதனைத் தொடர்ந்து ஜி.ஆர்.ஜி நிறுவனங்களைச் சேர்ந்த 28 பணியாளர்களுக்கு நீண்ட நாள் சேவை விருதும் ,சிறப்பு விருதுகளாக கல்லூரியின் முன்னாள் முதல்வர் டாக்டர் நிர்மலா மற்றும் முன்னாள் தேர்வு கட்டுப்பட்டாளர் கீதா முகுந்த் ஆகியோருக்கு வழங்கப்பட்டன.
