கோவை கொங்குநாடு கலை மற்றும் அறிவியல் கல்லூரியில், “சதாவரி சிறந்த ஆரோக்கியத்திற்காக (Shatavari for Better Health)” என்ற தலைப்பில் ஒருநாள் தேசிய அளவிலான கருத்தரங்கம் செப்டம்பர் 24, 2026 அன்று நடைபெற்றது. இக்கருத்தரங்கம் இந்திய அரசின் ஆயுஷ் அமைச்சகத்தின் கீழ் செயல்படும் தேசிய மருத்துவத் தாவர வாரியம் நிதியுதவியுடன் நடைபெற்றது.
இந்நிகழ்வை ஆர்ய வைத்திய பார்மசி கோவை நிறுவனத்தின் நிர்வாக இயக்குநர் சி.தேவிதாஸ் வாரியர் மற்றும் கொங்குநாடு கலை மற்றும் அறிவியல் கல்லூரியின் செயலாளர் டாக்டர் சி. ஏ. வாசுகி ஆகியோர் தொடங்கி வைத்தனர். கல்லூரி முதல்வர் டாக்டர் வி. சங்கீதா சிறப்பு வாழ்த்துரை வழங்கினார்.
நிகழ்ச்சியின் தொடக்கத்தில், திட்ட இயக்குநர் டாக்டர் மு.சந்தோஷ்குமார் வரவேற் புரையாற்றி, சிறப்பு விருந்தினர்கள், பேராசிரியர்கள், ஆராய்ச்சி யாளர்கள் மற்றும் மாணவர்களை வரவேற்றார். உயிர்வேதியியல் துறைத் தலைவர் டாக்டர் ஆர். டி. நரேந்திரகண்ணன், சதாவரி விழிப்புணர்வு பிரச்சாரத் திட்டத்தின் நோக்கம் மற்றும் செயல்பாடுகள் குறித்து திட்ட முன்னுரையை வழங்கினார். இந்நிகழ்வு KASC-NDLI Club உடன் இணைந்து நடைபெற்றதால், கிளப் சார்பில் நூலகர் மற்றும் தலைவர் டாக்டர் ஆர். செந்தில்குமார் பங்கேற்றார்.
நிகழ்ச்சியில் பேசிய கல்லூரி செயலாளர் டாக்டர் சி. ஏ. வாசுகி, ஒரு வருட கால சதாவரி விழிப்புணர்வு பிரச்சாரத்தை மேற் கொள்வதற்கும், விவசாயிகளுக்கு சதாவரி நாற்றுக்களை வழங்குவதற்கும் இந்திய அரசின் ஆயுஷ் அமைச்சகம் மற்றும் தேசிய மருத்துவத் தாவர வாரியம் கல்லூரிக்கு ரூ.18.9 லட்சம் நிதியுதவி வழங்கியதற்கு நன்றி தெரிவித்தார்.
சி. தேவிதாஸ் வாரியர் உரை யாற்றுகையில், இந்தியாவின் பாரம்பரிய மருத்துவ முறையில் சதாவரியின் முக்கியத்துவத்தை எடுத்துரைத்தார். சதாவரி “மூலிகைகளின் அரசி” எனப் போற்றப்படுவதாக அவர் குறிப்பிட்டார். சதாவரியில் காணப்படும் உயிரியல் செயற் பாட்டுக் கூறு கள் பல்வேறு ஆயுர்வேத மற்றும் மூலிகை சார்ந்த தயாரிப்புகளில் பயன்படுத் தப்படுவதாக அவர் தெரிவித்தார்.
மேலும், சதாவரி பாரம்பரிய மாக இனப்பெருக்க ஆரோக்கியம், நோய் எதிர்ப்பு திறன், செரிமான ஆரோக்கியம், உடல் ஊட்டச்சத்து மற்றும் உயிர்ச்சக்தி போன்ற பல்வேறு துறைகளில் பயன்படுத்தப்பட்டு வருவதை அவர் எடுத்துரைத்தார். இயற்கை, பாரம்பரிய அறிவு, அறிவியல் ஆராய்ச்சி மற்றும் மனித நலன் ஆகியவற்றை இணைக்கும் முக்கியமான மருத்துவத்தாவரமாக சதாவரி விளங்குகிறது என்றும் அவர் குறிப்பிட்டார்.
கருத்தரங்கின் ஒரு பகுதியாக மாணவர் தயாரிப்புகள் கண்காட்சி நடைபெற்றது. இதில் மாணவர்கள் சதாவரி பொடியைப் பயன்படுத்தி தயாரித்த 31 வகையான உணவு மற்றும் மதிப்புக் கூட்டப்பட்ட தயாரிப்புகளை காட்சிப்படுத்தினர்.
இதில் சாக்லேட் பால், மியூஸ்லி, சாக்லேட் தயாரிப்புகள், தேநீர், சோடா, குக்கீஸ், எனர்ஜி பார், சாக்லேட் கிரானுல்ஸ், பூரண கொழுக்கட்டை, புட்டிங், லட்டு, எலைட், ரோல்ஸ், கம்மி தயாரிப்புகள், நட் ஸ்பிரெட், கார வகை பருவப் பொடி, காயம் குணப்படுத்துவதற்கான உயிரியல் பொருள் மற்றும் பர்ஃபி உள்ளிட்ட பல்வேறு தயாரிப்புகள் இடம்பெற்றன.
சிறந்த புதுமை மற்றும் தயாரிப்பு மேம்பாட்டுத்திறனை வெளிப்படுத்திய நான்கு சிறந்த தயாரிப்புகளுக்கு சான்றிதழ்கள் மற்றும் பதக்கங்கள் வழங்கி பாராட்டப்பட்டது.
இக்கருத்தரங்கில் 330 மாணவர்கள் மற்றும் ஆராய்ச்சி மாணவர்கள் பங்கேற்றனர். சதாவரியின் அறிவியல் ஆராய்ச்சி, மருத்துவப் பயன்பாடுகள் மற்றும் தொழில்முனைவோர் வாய்ப்புகள் குறித்து பல்வேறு சிறப்பு அமர்வுகள் நடைபெற்றன. கேரளம் KMCT கல்லூரி பேராசிரியர் டாக்டர் எஸ். திவாகர், “மூலக்கூறு மருத்துவத் துறையில் சதாவரி சார்ந்த ஆராய்ச்சிகள்” என்ற தலைப்பில் சிறப்புரையாற்றினார். சதாவரியில் உள்ள உயிரியல் செயற்பாட்டுக் கூறுகள் மற்றும் அவற்றின் மருத்துவப் பயன்பாடுகள் தொடர்பான அறிவியல் ஆராய்ச் சிகளுக்கான வாய்ப்பு களை அவர் எடுத்துரைத்தார்.
பேராசிரியர் எம். ஆறுசாமி அறக்கட்டளையின் இயக்குநர் டாக்டர் எஸ். பால்சாமி, “சதாவரி மற்றும் மூலிகைத் துறையில் தொழில் மற்றும் தொழில்முனை வோர் வாய்ப்புகள்” குறித்து உரையாற்றினார்.
சதாவரி சார்ந்த மதிப்புக் கூட்டப்பட்ட தயாரிப்புகள், தயாரிப்பு மேம்பாடு மற்றும் மூலிகைத் துறையில் மாணவர்கள் தொழில்முனைவோராக உருவா கும் வாய்ப்புகள் குறித்து அவர் விளக்கினார்.
முதுநிலை மற்றும் ஆராய்ச்சித் துறை உயிர்வேதியியல் துறைத் தலைவர் டாக்டர் எஸ். மோனிஷா நிகழ்ச்சி ஏற்பாட்டுக் குழுவில் இடம்பெற்றிருந்தார். உதவிப் பேராசிரியர் டாக்டர் கே. நிருபமா நன்றியுரை வழங்கினார்.
