இந்திய தொழில் கூட்டமைப்பு (CII), EXCONஐ அறிவிப்பதற்காக நகரில் ஒரு ரோட்ஷோவை ஏற்பாடு செய்தது. அந்த நிகழ்வில், தொழில்துறை தலைவர்கள் மற்றும் உள்கட்டமைப்பு மற்றும் கட்டுமான உபகரணத் துறையைச் சேர்ந்தவர்களுடன் மூத்த அரசு அதிகாரிகள் பங்கேற்றனர்.
இந்திய தொழில் கூட்டமைப்பு (CII) ஏற்பாடு செய்துள்ள தெற்காசியாவின் மிகப்பெரிய கட்டுமான உபகரணங்கள் மற்றும் கட்டுமான தொழில்நுட்ப வர்த்தக கண்காட்சியான EXCON 2022 மே 17 முதல் 21 வரை பெங்களூரு சர்வதேச கண்காட்சி மையத்தில் நடைபெற உள்ளது.
EXCON 3,00,000 சதுர மீட்டர் பரப்பளவில் காட்சியளிக்கும் மற்றும் அமெரிக்கா, இங்கிலாந்து, பிரான்ஸ், ஜெர்மனி, இத்தாலி, ஐக்கிய அரபு எமிரேட்ஸ், தென் கொரியா, சிங்கப்பூர் மற்றும் இலங்கை போன்ற நாடுகள் உட்பட இந்தியா மற்றும் வெளிநாடுகளில் இருந்து 1000-த்திற்கும் மேற்பட்ட பார்வையாளர்களை ஈர்க்கும் என எதிர் பார்க்கப்படுகிறது.
5 நாள் கண்காட்சியில் உலகம் முழுவதிலுமிருந்து 40,000 வணிக பார்வையாளர்கள் வருவார்கள். ஸ்விங் ஸ்டெட்டர் (இந்தியா) பிரைவேட் லிமிடெட் நிறுவன தலைவர் சுதாகர் பெருமாள் பேசும்போது, “இதுEXCON-ன் பதினோராவது பதிப்பாகும்.
இந்த ஆண்டு எங்கள் தீம் ‘புதிய உலகத்திற்காக இந்தியாவை உருவாக்குதல்: போட்டித்திறன், வளர்ச்சி, நிலைத்தன்மை, தொழில்நுட்பம்’. 2030-ம் ஆண்டளவில் இந்தியாவை கட்டுமான உபகரண உற்பத்திக்கான உலகளாவிய மையமாக மாற்றும் நோக்கத்தை அடைய இந்தியாவின் உள்கட்டமைப்பு மேம்பாட்டில் ஸ்மார்ட் தொழில்நுட்பங்கள் மற்றும் புதுமைகளின் பங்கை EXCON எடுத்துக் காட்டுகிறது” என்றார்.
