கோவை அரசூர் கே.பி.ஆர் கல்வி நிறுவனங்கள் சார்பில் 74-வது குடியரசு தின விழா கே.பி.ஆர் கல்வி நிறுவனங்களின் தலைவர் டாக்டர் கே.பி.ராமசாமி அவர்களின் வழிகாட்டுதலின்படி சிறப்பாக கொண்டாடப்பட்டது.
பொறியியல் கல்லூரியின் முதல்வர் முனைவர் மு.அகிலா மற்றும் கலை அறிவியல் கல்லூரி முதல்வர் முனைவர் பி.கீதா ஆகியோர் முன்னிலையில் சிறப்பு விருந்தினர் டாக்டர். எம்.மதிசேகரன் (இந்தியன் எகனாமிக், ஓய்வு) கலந்து கொண்டு தேசியக் கொடியை ஏற்றி வைத்து, குடியரசு தினவிழா சிறப்புரையாற்றினார்.
தேசிய மாணவர் படைபிரிவு
கே.பி.ஆர். பொறியியல் மற்றும் கே.பி.ஆர்.கலை அறிவியல் கல்லூரிகளின் 2 டி.என். விமான படைப்பிரிவு, 4 டி.என்.பாட்டலியன், 5 டி.என்.கேர்ள்ஸ் பாட்டலியன், 6 டி.என். மெடிக்கல் கம்பெனி ஆகிய தேசிய மாணவர் படைபிரிவுகளை சேர்ந்த மாணவர்களின் அணிவகுப்பு நடைபெற்றது.
பின்னர் ஆசிரியர்கள் மற்றும் மாணவர்களின் கலை நிகழ்ச்சிகளும், தேசபக்தி நடனம், சிலம்பம் போன்ற நிகழ்ச்சிகளும் ஏற்பாடு செய்யப்பட்டிருந்தன.
இவ்விழாவில் இரு கல்லூரிகளின் துறைத் தலைவர்கள், பேராசிரியர்கள் மாணவர்கள் என அனைத்து தரப்பினரும் கலந்து கொண்டு சிறப்பித்தனர்.
