கோவையில் 100 படுக்கைகள் கொண்ட புதிதாக அமைக்கப்பட்டுள்ள அவேரா இதய மருத்துவமனை, அக்டோபர் 4ல் திறக்கப்படுகிறது. இவ்விழாவில் பண்ணாரி அம்மன் குழுமத் தலைவர் எஸ்.வி. பாலசுப் பிரமணியம் தலைமை விருந்தினராக பங்கேற்கிறார்.
இதய சிகிச்சைக்காக பிரத்யேகமாக உருவாக்கப்பட்டுள்ள இம்மருத்துவமனையில் 2 கேத் லேப்கள், 2 நவீன அறுவை சிகிச்சை அரங்குகள், 18 படுக்கைகள் கொண்ட இதய சிகிச்சைப் பிரிவு, 16 படுக்கைகள் கொண்ட இதய-மார்பக அறுவை சிகிச்சைக்குப் பிந்தைய பிரிவு உள்ளிட்ட வசதிகள் உள்ளன. 24 மணி நேர மருந்தகம், ஆம்புலன்ஸ் மற்றும் அவசர சிகிச்சை சேவைகளும் வழங்கப்படுகின்றன.
மருத்துவமனையை டாக்டர் ராஜ்பால் கே. அபாய்சந்த் மற்றும் இதய-மார்பக அறுவை சிகிச்சை நிபுணர் டாக்டர் சந்திரசேகர், பத்மநாபன் ஆகியோர் இணைந்து தொடங்குகின்றனர். கோவை, நீலகிரி உள்ளிட்ட பகுதிகளைச் சேர்ந்தவர்களுக்கு மேம்பட்ட இதய சிகிச்சையை எளிதில் வழங்குவதே நோக்கம் என தெரிவிக்கப்பட்டுள்ளது.
கோவையில் அக்.4ல் அவேரா இதய மருத்துவமனை திறப்பு
