சிதம்பரம் நடராஜர் கோயிலில் ஆனித் திருமஞ்சன உற்சவம் கொடியேற்றத்துடன் தொடங்கியது

சிதம்பரம் ஸ்ரீநடராஜர் கோயில் ஆனித் திருமஞ்சன தரிசன உத்சவம் திங்கள்கிழமை (ஜூன் 23) இன்று காலை கொடி யேற்றத்துடன் தொடங்கியது 10 நாள்கள் நடைபெறுகிறது.

நடராஜர் கோயிலில் சித்சபைக்கு எதிரே உள்ள கொடிமரத்தில் திங்கள்கிழமை இன்று காலை 6 மணிக்கு மேல் 7 மணிக்குள் கொடி யேற்ற நிகழ்ச்சி நடைபெற்றது. உற்சவ ஆச்சாரியார் யு.எல்.சிவகைலாஸ் தீட்சிதர் கொடியேற்றி உற்சவத்தை தொடங்கி வைத்த பின்னர், பஞ்சமூர்த்திகள் வீதிஉலா நடைபெற்றது.

ஜூன் 24-ஆம் தேதி (நாளை) வெள்ளி சந்திர பிறை வாகன வீதிஉலா, 25-ஆம் தேதி தங்க சூரிய பிறை வாகன வீதிஉலா, 26-ஆம் தேதி வெள்ளி பூத வாகன வீதிஉலா, 27-ஆம் தேதி வெள்ளி ரிஷப வாகன வீதிஉலா (தெருவடைச்சான்), 28-ஆம் தேதி வெள்ளி யானை வாகன வீதிஉலா, 29-ஆம் தேதி தங்க கைலாச வாகன வீதி உலா, 30-ஆம் தேதி தங்க ரதத்தில் பிச்சாண்டவர் வீதிஉலா நடைபெறும்.

ஜூலை 1-ஆம் தேதி தேர்த்திருவிழாவும், அன்று இரவு 8 மணிக்கு ஆயிரங்கால் முன் முகப்பு மண்டபத்தில் ஏககால லட்சார்ச்சனையும் நடைபெறும். ஜூலை 2-ஆம் தேதி அதி காலை சூரிய உதயத்துக்கு முன்பு காலை 4 மணி முதல் 6 மணி வரை ஸ்ரீசிவகாமசுந்தரி சமேத ஸ்ரீமந் நடராஜ மூர்த்திக்கு மகாபி ஷேகம் நடைபெறும்.

பின்னர், காலை 10 மணிக்கு சித் சபையில் ரகசிய பூஜையும், பஞ்ச மூர்த்திகள் வீதிஉலா வந்த பின்னர், பிற்ப கல் 3 மணிக்கு மேல் ஆனித் திருமஞ்சன தரிசனமும், ஞானகாச சித்சபை பிரவேசமும் நடைபெறுகிறது.

ஜூலை 3-ஆம் தேதி பஞ்சமூர்த்திகள் முத்துப்பல்லக்கு வீதிஉ லாவும், ஜூலை 4-ஆம் தேதி தெப்போற்சவத்துடன் உற்சவம் முடிவடைகிறது.

உற்சவ ஏற்பாடுகளை கோயில் பொது தீட்சிதர்கள் குழுச் செயலர் த.சிவசுந்தர தீட்சிதர்,துணைச் செயலர் சி.எஸ்.எஸ்.வெங்கடேச தீட்சிதர் மற்றும் பொது தீட்சிதர்கள் செய்துள்ளனர்.