இளைஞர்களின் சிற்றுண்டி விருப்பத்தில் ஊட்டச்சத்து நிறைந்த பாதாம் முன்னிலை

பாதாம் போன்ற ஊட்டச்சத்து நிறைந்த உணவுகளை சிற்றுண்டியாக உண்ணும் பழக்கம் இளைய இந்தியர்களிடையே அதிகரித்து வருவதாக ஓர் ஆய்வு தெரிவித்துள்ளது.

ஆராய்ச்சி ஆலோசனை நிறுவனமான இப்சோஸ் இந்தியா, இந்த ஆய்வை இளைஞர்களிடையே சமீபத்தில் நடத்தியது.

இந்தியா முழுவதும் உள்ள இளைஞர்கள், அதிக கலோரி கொண்ட உணவுகளுக்கு பதிலாக, பாதாம் மற்றும் பழங்கள் போன்ற ஆரோக்கியமான மற்றும் சத்தான சிற்றுண்டி விருப்பங்களை எவ்வாறு அதிகளவில் தேர்வு செய்கிறார்கள் என்பதை இக்கணக்கெடுப்பு எடுத்துக்காட்டுகிறது.

டெல்லி, லக்னோ, லூதியானா, ஜெய்ப்பூர், மும்பை, அகமதாபாத், கொல்கத்தா, புவனேஸ்வர், சென்னை, பெங்களூரு, கோவை, ஹைதராபாத் உள்ளிட்ட 12 நகரங்களில் 18 முதல் 35 வயதுக்குட்பட்ட 4,148 பேர், ஆண்கள் மற்றும் பெண்களிடம் நேர்காணல் நடத்தப்பட்டது.

இந்திய இளைஞர்களிடையே பாதாம் ஒரு சிறந்த தேர்வாக உருவெடுத்துள்ளது, ஏனெனில் 64% பதிலளித்தவர்கள் வழக்கமான நுகர்வு காரணமாக, சுகாதார நன்மைகள் காரணமாக பாதாமை சிறந்த சிற்றுண்டி தேர்வு என்று கருதுவதாகக் குறிப்பிட்டுள்ளனர்.

கணக்கெடுப்பின் முடிவுகள் குறித்து ஊட்டச்சத்து மற்றும் ஆரோக்கிய ஆலோசகர் ஷீலா கிருஷ்ணசாமி கூறியதாவது: கடந்த ஒன்றரை ஆண்டு அனைவருக்கும் மிகவும் சவாலானது.

ஆனால் நமது ஆரோக்கியத்திற்கு முன்னுரிமை அளிக்கும்படி கட்டாயப்படுத்தியுள்ளது. இந்த கணக்கெடுப்பின் முடிவுகள் மிகவும் மனம் கவர்ந்தவை.

இந்திய இளைஞர்கள் தங்கள் உடல்நலம் மற்றும் வாழ்க்கை முறையை பராமரிப்பதில் எவ்வளவு முதலீடு செய்திருக்கிறார்கள் என்பதைப் பார்ப்பது அருமை.

பாதாம் போன்ற ஊட்டச்சத்து நிறைந்த உணவுகளை சிற்றுண்டியாக உட்கொள்வது ஒருவரின் எடையை பராமரிக்க ஒரு வழியாகும்.

அதே நேரத்தில் உணவில் அதிக ஊட்டச்சத்துக்களை சேர்க்கிறது. எனவே ஒவ்வொரு நாளும் கையளவு பருப்பை சாப்பிடுவதை உறுதிப்படுத்திக் கொள்ளுங்கள்.

மற்றவர்களையும் அவ்வாறு செய்ய கேட்டுக்கொள்ளுங்கள். இதைச் செய்வதால் ஏற்படும் ஆரோக்கிய நன்மைகள் பலவகை என்றார்.

தொற்றுநோய்களின் போது இந்திய இளைஞர்களுக்கு சிற்றுண்டியின் தேவை அதிகரித்திருப்பது கணக்கெடுப்பை முன்னிலைப்படுத்திய மற்றொரு குறிப்பிடத்தக்க கண்டுபிடிப்பாகும்.