மஹிந்திரா அண்ட் மஹிந்திரா நிறுவனம் தனது புதிய வகை சிறிய ரக சரக்கு வாகனமான சுப்ரோ டிரக்குகளை அறிமுகப்படுத்தி உள்ளது.
இந்த புதிய சரக்கு போக்குவரத்து வாகனங்கள் குறைந்த செலவு, அதிக சக்தி, அதிக சரக்கு சுமக்கும் திறன், அதிக மைலேஜ் ஆகியவற்றைக் கொண்டதாக உருவாக்கப்பட்டுள்ளது.
இந்த புதிய வாகன அறிமுகம் குறித்து எம் அண்ட் எம் லிமிடெட் நிறுவனத்தின் ஆட்டோமோடிவ் பிரிவின் தலைமைச் செயல் அதிகாரி வீஜய் நக்ரா கூறியதாவது: சுப்ரோ வகை வாகனங்கள், எங்கள் வாடிக்கையாளர்களுக்கு மிகவும் விருப்பமான சிறிய வணிக வாகனங்களில் ஒன்றாக மாறியுள்ளது.
புதிய சுப்ரோ ப்ராஃபிட் டிரக் அறிமுகப்படுத்தப்படுவதன் மூலம் வாடிக்கையாளர்களின் லாபத்தை மையமாகக் கொண்டு எங்கள் உற்பத்தி செயல் திறனை கணிசமாக மேம்படுத்துகிறோம்.
இப்பிரிவில் மற்ற வாகனங்களுடன் ஒப்பிடுகையில் சரியான விலையில் இருக்கும். அதே சமயம் இந்த புதிய வகை டிரக்குகள், இந்தப் பிரிவில் முன்னணி செயல்திறன், எரிபொருள் சிக்கன செயல்திறன் ஆகியவற்றைக் கொண்டுள்ளன என்றார்.
சூப்பர் ப்ராஃபிட்டிரக் மினி, மஹிந்திராவின் சக்திவாய்ந்த டைரக்ட் இன்ஜெக்ஷன் டீசல் பிஎஸ்-6 இன்ஜின் மூலம் இயக்கப்படுகிறது,
இது பவர் மற்றும் எக்கோ பயன்முறையில் இரண்டு விருப்பத் தேர்வுகளுடன் எரிபொருள் ஸ்மார்ட் தொழில்நுட்பத்துடன் வருகிறது.
புதிய சூப்பர் ப்ராஃபிட்டிரக் மேக்ஸி 1050 கிலோ அதிக பேலோட், பெரிய ஆர் 14 டயர்கள், 196 மில்லி மீட்டர் அதிக கிரவுண்ட் கிளியரன்ஸ் மற்றும் அனைத்தும் புதிய டிரான்ஸ்மிஷன்களுடன் வருகிறது.
மஹிந்திராவின் சக்திவாய்ந்த டைரக்ட் இன்ஜெக்ஷன் டர்போ டீசல் பிஎஸ்-6 இன்ஜின் மூலம் சுப்ரோ ப்ராஃபிட் டிரக் மேக்ஸி இயக்கப்படுகிறது, சுப்ரோ ப்ராஃபிட் டிரக் மேக்ஸி லிட்டருக்கு 21.94 கிலோ மீட்டர் என அதிக மைலேஜ் வழங்குகிறது.
சுப்ரோ வேன் பிரிவில் மஹிந்திரா மிகவும் குறைந்த செலவில், கூடுதல் கட்டமைப்பு வாகனங்கள், வகை பி டீசல் ஆம்புலன்ஸ் ஆகியவற்றை வழங்குகிறது.
