கோவை, அவினாசிலிங்கம் மனையியல் மற்றும் மகளிர் உயர்கல்வி நிறுவனத்தின் திருச் சிற்றம்பலம் அரங்கத்தில் 35வது ஆண்டு பட்டமளிப்பு விழா இன்று (வெள்ளிக்கிழமை) காலை 10 மணியளவில் நடைபெற்றது. புதுடெல்லி பல்கலைக்கழக மானியக் குழு தலைவர், பேராசிரியர் மமிதாலா ஜெகதீஷ்குமார் பட்டமளிப்பு உரை நிகழ்த்தினார்.
விழாவிற்கு நிறுவனத்தின் வேந்தர் மற்றும் அவி னாசிலிங்கம் கல்வி அறக் கட்டளையின் நிர்வாக அறங் காவலர் முனைவர் தி.ச.க. மீனாட்சிசுந்தரம் தலைமைத் தாங்கி 2700 மாணவியருக்கு பட்டங்களை வழங்கினார்.
பின்னர் அவர் பேசியதாவது: அவினாசிலிங்கம் மனையியல் மற்றும் மகளிர் உயர்கல்வி நிறுவனம் கல்விப்பயணத்தில் இவ்வளவு உயர்ந்த புகழை எட்டியிருக்கிறது. இதற்குக் காரணமான அனைத்து மாணவர்களுக்கும் எனது வாழ்த்துக்களை தெரிவித்துக் கொள்கிறேன்.
இறைவனின் அருளாலும், சென்னை மாகாணத்தின் முதல் கல்வி அமைச்சரும், பத்ம பூஷன் விருது பெற்றவருமான நமது நிறுவனர்- வேந்தர் டாக்டர் அவினாசிலிங்கம் அய்யா அவர்கள் கல்வியின் மூலம் பெண்களுக்கு அதிகாரம் அளிக்க வேண்டும் என்ற உன்னதமான தொலைநோக்கோடு இந்நிறுவனத்தை உருவாக்கினார்.
உலகப் புகழ்பெற்ற ஊட்டச் சத்து நிபுணரும் பத்மஸ்ரீ விருது பெற்றவருமான டாக்டர் ராஜம்மாள் பி.தேவதாஸ், அய்யா அவர்களின் கனவு நனவாக முழுமையாக பாடுபட்டார். அறுபத்தைந்து ஆண் டுகளுக்கும் மேலாக, இந்த கல்விக் கோவில் கல்வியில் புதிய பாதைகளை அமைப்பதில் முன்னணியில் உள்ளது. வாய்ப்புகளை நிறுவுகிறது. நமது நாட்டின் துடிப்பான கலாச்சாரம் மற்றும் மதிப்பு அமைப்புகளை நவீனக் கல்வியின் தாக்கமான கோட்பாடுகளுடன் இணைக்கிறது.
இவ்வாறு அவர் பேசினார்.
துணைவேந்தர் முனைவர் பாரதி ஹரிசங்கர் வரவேற்புரை ஆற்றி, சிறப்பு விருந்தினரை அறிமுகப்படுத்தினார். ஆண் டறிக்கையையும் அவர் வாசித்தார். அவர் பேசியதாவது: அவினாசிலிங்கம் தொழில் வழிகாட்டுதல் மற்றும் வேலை வாய்ப்பு பிரிவு ஆரோக்கியமான கார்ப்பரேட் நிறுவன உறவுகளைப் பேணுவதில் மற்றும் மாணவர்களின் வேலைவாய்ப் புகளை உறுதி செய்வதில் முக்கிய பங்கு வகிக்கிறது.
வாழ்க்கையின் திரையில், மதிப்புகள் நமக்கு வழிகாட்டும் ஒளியாக செயல்படுகின்றன. எங்கள் பல்கலைக்கழகம் ஒரு மைப்பாடு, சமத்துவம் மற் றும் பொறுப்பு ஆகியவற் றின் கொள்கைகளை விதைக் கிறது மற்றும் நீதியில் உங்களை நங்கூரமிடுகிறது. நீங்கள் முன்னேறும்போது, இந்த மதிப்புகள் உங்கள் திசைகாட் டியாக இருக்க வேண்டும். மகத்துவத்தை நோக்கி உங்களை வழிநடத்த வேண்டும்.
காலநிலை மாற்றம் முதல் சுகாதார ஏற்றத்தாழ்வுகள் வரை நமது சமூகம் அழுத்த மான பிரச்சினைகளை எதிர்கொள்கிறது. வாழ்க்கையின் சவால்களை எதிர்கொள்ளவும், தனிப்பட்ட வளர்ச்சி மற்றும் சமூக நல்வாழ்வை வளர்க்கவும் உறுதிமொழி வழிகாட்டும் கொள்கையாக இருக்கட்டும். நீங்கள் வாழ்க்கையின் பாதை யில் பயணிக்கும்போது, உங்கள் “ஒன்று ஆம், ஒன்று இல்லை” உங்கள் வழிகாட்டும் நட்சத்திரமாக இருக்கட்டும். – உயர்ந்த இலட்சியங்கள் மற்றும் மதிப்புகளை நிலைநிறுத்துவதற்கான உங்கள் அசைக்க முடியாத அர்ப்பணிப்புக்கான சான்றாகும்.
நீங்கள் இந்தப் புதிய அத்தியாயத்தைத் தொடங்கும் போது, நேர்மையும், விடாமுயற்சியும் வெற்றிக்கான திறவுகோல் என்பதை நினைவில் கொள்ளுங்கள். எங்களுடன் இணைந்திருங்கள் மற்றும் நீங்கள் அடையும் மைல்கற்களைப் பகிர்ந்து கொள்ளுங்கள்.
பெரிய கனவு காணுங்கள், வெற்றியில் தாழ்மையுடன் இருங்கள் மற்றும் துன்பங்களில் நெகிழ்ச்சியுடன் இருங்கள். உங்கள் வாழ்க்கையே உங்கள் கதை; நீங்கள் சொல்லும் கதைகளுக்காக நாங்கள் காத்திருக் கிறோம்.
எங்கள் நிறுவனம் எப்போதும் உங்கள் வீடாக இருக்கும். இவ்வாறு அவர் பேசினார்.
பேராசிரியர் மமிதாலா ஜெகதீஷ்குமார் தனது பட்ட மளிப்பு விழா உரையில் ,” அவினாசிலிங்கம் கல்வி நிறுவனம் கல்வியின் வழி நாட்டுப்பணி பணியாற்றுகிறது. பொருளாதார நிலையில் பின்தங்கிய மற்றும் முதல் தலைமுறை மாணவியர் பலர் இங்கு படிப்பதற்கும் பட்டம் பெறவும் வந்திருக்கிறீர்கள்.
சமீபத்தில் இந்தியா அக்னி 5 ஏவுகணையை உருவாக்கி இருக்கிறது. விஞ்ஞான வளர்ச்சியில் இந்திய நாடு இன்று பெரும் சாதனை புரிந்துகொண்டிருக்கிறது. விஞ்ஞான தொழில்நுட்பத்தில் நூற்றுக்கணக்கானோர் விஞ்ஞானிகளாகவும் தொழில்நுட்ப வல்லுநர்களாகவும் பெண்கள் திறம்பட செயலாற்றுகின்றனர்.
திட்ட இயக்குனர் உள்ளிட்ட பொறுப்புகளை வகிக்கிற இடத்தில் பெண்கள் இருக்கிறார்கள். முன்பு உயர்க ல்வியில் பெண்கள் குறை வாகவே கல்வி கற்றிருந்தனர். இன்றைக்கு 40 சதவீதம் பெண்கள் முனைவர் பட்டம் உள்ளிட்ட உயர்கல்வியினைத் தொடர்கிறார்கள்.இன்றைக்கு நிலவும் சமூக சூழலில் நிலையில்லாத பொருளாதாரம், சமூக ஏற்றத் தாழ்வுகள், சுற்றுச்சூழலில் சந்திக்கும் சிக்கல்கள் ஆகியன நிலவுகின்றன. இந்தியா தற்போது பொருளாதாரத்தில் உயர்ந்த நிலையை தொடபோகிற நாடாக இருக் கிறது. இளைஞர்களை அதிகம் பெற்ற நாடாகவும், உலக நாடுகள் அனைத்தும் இந்தியாவைத் தேடி வரும் நாடாகவும் உயர்ந்துள்ளது.
உலகிலேயே சிறந்த தொழில் நுட்ப பொது கட்டமைப்பு பெற்று வளர்ந்திருக்கின்ற நாடாக இந்தியா உயர்ந்திருக்கிறது. இந்தியாவில் பிறந்திருப்பதற்காக நீங்கள் பெருமை கொள்ள வேண்டும்.
வெளியுலகம் உங்களுக்காக காத்திருக்கிறது அங்கே சவால்களும் தோல்விகளும் வரலாம். இன்றைய இளைய சமூகம் எதிர்பார்ப்பு நிறைவேறாத போது மன அழுத்தத்திற்கு ஆளாகிறார்கள். தங்கள் திறனைக் கண்டறியுங்கள். மற்றவர்களைப் போல் வாழ முயற்சிக்காதீர்கள்.
தனித்துவமாக உங்களை அடையாளப்படுத்துங்கள். தோல்விகளைக் கண்டு அஞ்சாதீர்கள். புதிதாகக்கற்றுக் கொள்ளுங்கள். புதிதாக சிந்தியுங்கள். கண்டுபிடியுங்கள் அவ்வாறாக உருவாவீர்கள்” என்று கூறினார்.
அவினாசிலிங்கம் மனையியல் மற்றும் மகளிர் உயர்கல்வி நிறு வனத்தின், பதிவாளர் முனைவர் சு.கௌசல்யா நன்றி கூறினார்.
முனைவர் பட்டம் பெறுபவர்களுக்கும்,முதன்மை தரவரிசை பெறுபவர்களுக்கும் பதக்கங்கள் (93 மாணவியர்) மற்றும் சான்றிதழ்கள் மேடையில் வழங்கப்பட்டன.
முனைவர் பட்டம் பெற்றோர் -44, முதுகலை பட்டயப்படிப்புகள் 17, முதுகலை பட்டதாரிகள் – 723, இளங்கலை பட்டதாரிகள் 1916 என 2700 மாணவிகளுக்கு பட்டம் வழங்கப்பட்டது. பட்டமளிப்பு விழாவில் நிர்வாகக் குழு மற்றும் கல்விக்குழு உறுப்பினர்கள், சிறப்பு அழைப்பாளர்கள், நிர்வாக அதிகாரிகள் ஆசிரியர்கள், பட்டதாரிகள், பெற்றோர்கள் திரளாகக் கலந்து கொண்டனர்.
