Home பிற செய்திகள் தொழிலாளர்களின் வயிற்றில் அடிக்காதீர்!

தொழிலாளர்களின் வயிற்றில் அடிக்காதீர்!

தொழிலாளர் வருங்கால வைப்பு நிதியில் செய்யப்படும் முதலீட்டுக்குத் தான் அதிகமான வட்டி வழங்கப் படுகிறது என்பதால், அது தான் தொழிலாளர்களின் சமூக பாதுகாப்பை உறுதி செய்கிறது.

அப்படிப்பட்ட வருங்கால வைப்பு நிதி மீதான ஆண்டு வட்டி விகிதம், 2021-&22 ஆம் ஆண்டில், 8.10% ஆக குறைக்கப்பட்டிருப்பது தொழிலாளர்களுக்கு அதிர்ச்சியையும் வேதனையையும் அளிக்கிறது.

தொழிலாளர்களின் சமூகப் பாதுகாப்பை உறுதி செய்யும் வருங்கால வைப்பு நிதி மீதான வட்டி ஒரே நேரத்தில் 0.40% குறைக்கப்பட்டிருப்பது அநீதியானது. வருங்கால வைப்பு நிதி மீது கடந்த 44 ஆண்டுகளில் இது தான் மிகவும் குறைவான வட்டியாகும்.

வருங்கால வைப்பு நிதி மீதான வட்டி விகிதம் குறைக்கப்படுவதற்கு எந்த நியாயமும் இல்லை. கொரோனா வைரஸ் பரவலால் 2020-&21 ஆம் ஆண்டில் இந்தியப் பொருளாதாரம் பெரும் பின்னடைவை சந்தித்தது.

அப்போது கூட, வருங்கால வைப்பு நிதி மீதான வட்டி விகிதம் 8.5% ஆகவே நீடிக்கும் என்று வருங்கால வைப்பு நிதி வாரியம் அறிவித்திருந்தது. 2020&-21 ம் ஆண்டுடன் ஒப்பிடும் போது 2021-&22ம் ஆண்டில் இந்திய பொருளாதாரம் குறிப்பிடத்தக்க அளவில் வளர்ச்சிப் பாதையில் பயணிக்கிறது.

அதுமட்டுமின்றி, வருங்கால வைப்பு நிதி வாரியம் பங்கு சந்தையிலும், கடன் சந்தையிலும் செய்துள்ள முதலீடுகள் மீது 15% வரை வருவாய் ஈட்டியுள்ள நிலையில், அதிலிருந்து 8.5% வட்டி கூட வழங்க மறுப்பது பெரும் அநீதி ஆகும்.

எதிர்கால சமூகப் பாதுகாப்புக்காக வருங்கால வைப்பு நிதியில் முதலீடு செய்கின்றனர். அதன் மீதான வட்டியைக் குறைக்கக்கூடாது. வட்டியைக் குறைத்திருப்பது தொழிலாளர்களின் ஓய்வுக்குப் பிந்தைய காலம் பாதுகாப்பற்றதாக மாறி வருகிறது என்பதையே காட்டுகிறது.

எனவே, வருங்கால வைப்பு நிதி மீதான வட்டி விகிதம் 8.10% ஆக குறைக்கப்பட்டதை உயர்த்தி, நடப்பாண்டிலும் 8.5% அல்லது அதற்கும் கூடுதலான வட்டி வழங்கப்படுவதை அரசு உறுதி செய்ய வேண்டும்.
நாட்டிற்காக உழைக்கும் தொழிலாளர்களின் வயிற்றில் அடிக்காதீர்!

LEAVE A REPLY

Please enter your comment!
Please enter your name here

Must Read

நெக்ஸ்ட்-ஜென் மொபில் சூப்பர் லூப்ரிகண்ட் அறிமுகம்

திருச்சி - எக்சான் மொபில் லூப்ரிகண்டுகள் பிரைவேட் லிமிடெட், அதன் நெக்ஸ்ட்-ஜென் பாசஞ்சர் வெஹிக்கில் லூப்ரி கண்டுகளான “மொபில் சூப்பர்”ஐ புதிய, மேம்படுத்தப்பட்ட பேக்கேஜிங்கில் புதுப்பித்த லேபிள்களுடன் அறிமுகப்படுத்தி உள்ளது.

ராமநாதபுரம் மாவட்டத்திற்கு வருகை தந்த தமிழக ஆளுநர் ஆர்.என்.ரவி

ராமநாதபுரம் மாவட்டத்திற்கு வருகை தந்த தமிழக ஆளுநர் ஆர்.என்.ரவி அவர்களை,மாவட்ட ஆட்சித் தலைவர் ஜானி டாம் வர்கீஸ் அவர்கள் ராமநாதபுரம் அரசு விருந்தினர் இல்லத்தில் பூங்கொத்து வழங்கி வரவேற்றார்.

மாற்றுத்திறனாளர்கள் சேவை மையம் திறப்பு

சேவை மையம் மாற் றுத்திறனாளர்கள் சேவை மையம் திறப்பு விழா கோவை அரசு கல்லூரி சாலையில் உள்ள சேரன் டவர்ஸ் கட்டிட வளாகத் தில் நடைபெற்றது. பா.ஜ.க. தேசிய மகளிர்...

ஏர்வாடி சந்தனக்கூடு திருவிழா: பல்லாயிரம் பக்தர்கள் பங்கேற்பு

ராமநாதபுரம் மாவட்டம் ஏர்வாடி மகான் குத்பு சுல்தான் செய்யது இபுராகிம் ஷகீது ஒலியுல்லா பாதுஷா நாயகம் தர்ஹாவில் ஆண்டு தோறும் சந்தனக்கூடு திருவிழா மதநல்லிணக்க ஒருமைப்பாட்டு விழாவாக ஏர்வாடி தர்ஹா...

மாணவர்கள் தொழில் முனைவோர்களாக மாற வேண்டும்: பல்கலைக்கழக பதிவாளர் பேச்சு

பொறியியல் பட்டம் பெறும் மாணவர்கள் வேலை வாய்ப்புகளை நம்பி காத்திருக்காமல் தொழில் முனைவோர்களாக மாற முயல வேண்டும் என்று அண்ணா பல்கலைக்கழக பதிவாளர் டாக்டர். ஜி. ரவிக்குமார் கேட்டுக்கொண்டார்.