Home தமிழ்நாடு வாளையாறு சோதனைச் சாவடியில் கோவை ஆட்சியர் சமீரன் ஆய்வு

வாளையாறு சோதனைச் சாவடியில் கோவை ஆட்சியர் சமீரன் ஆய்வு

கொரோனா பரவலைத் தடுக்கும் விதத்தில் கோவை மாவட்ட எல்லைகளில் கண்காணிப்பு தீவிரப்படுத்தப்பட்ட நிலையில், வாளையாறு சோதனைச் சாவடியில் மாவட்ட ஆட்சியர் ஜி.எஸ்.சமீரன், எஸ்.பி.செல்வநாகரத்தினம் ஆகியோர் ஆய்வு மேற்கொண்டனர்.

கேரளத்தில் தொடர்ந்து கொரோனா பாதிப்பு அதிகரித்து வருகிறது. மேலும் கடந்த 5 நாள்களாக கோவை மாவட்டத்திலும் தினசரி பாதிப்பு எண்ணிக்கை உயர்ந்து வருகிறது.

இந்நிலையில் மாவட்டம் முழுவதும் பல்வேறு கட்டுப்பாடுகளை மாவட்ட நிர்வாகம் அறிவித்துள்ளது.
இதில் முக்கியமாக கேரள எல்லையில் உள்ள 13 சோதனைச் சாவடிகளிலும் கண்காணிப்பை தீவிரப்படுத்த உத்தரவிடப்பட்டுள்ளது.

கேரளத்தில் இருந்து கோவை வருவோர் கண்டிப்பாக கொரோனா பரிசோதனை சான்றிதழ் அல்லது தடுப்பூசி இரண்டு தவணை செலுத்தியதற்கான சான்றிதழை வைத்திருக்க வேண்டும்.

சான்றிதழ் இல்லாமல் வருவோருக்கு சோதனைச் சாவ டியிலேயே கொரோனா பரிசோதனை செய்யப்படுகிறது.
இதில் கேரளத்தில் இருந்து ஞாயிற்றுக்கிழமை கோவை வந்த 18 பேருக்கு கொரோனா பரிசோதனை செய்யப்பட்டது.

பரிசோதனை முடிவுகள் வரும் வரை அவர்கள் வெளியே செல்ல அனுமதி இல்லை. அவர்களை சுகாதார ஊழியர்கள் கண்காணித்து வருகின்றனர். அத்தியாவசிய தேவையின்றி கோவை வருவோரின் முகவரி விவரங்களை வருவாய்த் துறை அதிகாரிகள் பதிவு செய்து வருகின்றனர்.

இந்நிலையில் வாளையாறு சோதனைச் சாவடியில் மாவட்ட ஆட்சியர் ஜி.எஸ்.சமீரன், மாவட்ட காவல் கண்காணிப்பாளர் செல்வநாகரத்தினம் ஆகியோர் திங்கள்கிழமை ஆய்வு மேற் கொண்டனர்.

கொரோனா கட்டுப்பாடுகள் பணிகள் மற்றும் பரிசோதனை விவரங்கள் குறித்து கேட்டறிந்தனர்.கொரோனா தடுப்பு நடவடிக்கையாக பொள்ளாச்சி&வால்பாறை இடையே உள்ள ஆழியாறு சோதனை சாவடியில் வாகன சோதனை தீவிரப்படுத்தப்பட்டுள்ளது.

கொரோனா பரவலை தடுக்கும் விதத்தில் வால்பாறைக்கு சுற்றுலாப் பயணிகள் ஒரு வார காலம் செல்ல தடை விதித்து மாவட்ட ஆட்சியர் ஜி.எஸ்.சமீரன் ஞாயிற்றுக்கிழமை உத்தரவிட்டார்.

இதனையடுத்து வனத் துறை கட்டுப்பாட்டில் உள்ள ஆழியாறு சோதனைச் சாவடியில் காவல் துறை மற்றும் சுகாதாரத்துறையினர் முகாமிட்டுள்ளனர்.

வால்பாறைக்கு வரும் வாகனங்களை சோதனையிட்டு அவர்கள் அங்கு வசிப்பதற்கான உரிய ஆவணங்கள் வைத்திருந்தால் மட்டும் அனுமதித்து வருகின்றனர்.

மேலும் அரசுப் பேருந்துகளையும் நிறுத்தி பயணிகளிடம் விசாரித்து வருகின்றனர்.
தடை விதித்திருப்பது தெரியாமல் வந்த ஏராளமான வாகனங்களை திருப்பி அனுப்பினர். வால்பாறை சுகாதார நிலைய வட்டார மருத்துவ அலுவலர் பாபு லஷ்மணன் சோதனைச் சாவடியில் ஆய்வு மேற்கொண்டார்.

LEAVE A REPLY

Please enter your comment!
Please enter your name here

Must Read

சேலம்: கலெக்டர் அலுவலக கூட்டரங்கில் காணொலி வாயிலாக விவசாயிகள் குறைதீர்க்கும் நாள் கூட்டம்

சேலம் மாவட்ட கலெக்டர் அலுவலக கூட்டரங்கில் காணொலி வாயிலாக (கூகுள் மீட்) விவசாயிகள் குறைதீர்க்கும் நாள் கூட்டம் மாவட்ட கலெக்டர் கார்மேகம் தலைமையில் நடைபெற்றது.

பிரதமர் மோடியின் பிறந்த நாளை முன்னிட்டு ஈரநெஞ்சம் அறக்கட்டளை முதியோர்களுக்கு உணவு வழங்கப்பட்டது

கோவை மாவட்ட பாரதிய ஜனதா கட்சி, அரசு தொடர்பு பிரிவு சார்பில் பிரதமர் மோடியின் பிறந்த நாளை முன்னிட்டு, ஈரநெஞ்சம்அறக்கட்டளையில் உள்ள முதியோர்களுக்கு மதிய உணவு வழங்கப்பட்டது.

கோவை வாலாங்குளம் பேஸ்-1 குளத்தை சீரமைக்கும் பணிகளை மாநகராட்சி ஆணையாளர் ஆய்வு

கோவை மாநகராட்சி சீர்மிகு நகர திட்டத்தின்கீழ் வாலாங்குளம் பேஸ்-1 குளம் அழகுபடுத்துவதற்காக புனரமைத்து, சீரமைக்கும் பணிகள் குறித்து, தொழில் நுட்ப ஆலோசகர்கள், தொழில் நுட்ப வல்லுநர்களுடன் மாநகராட்சி ஆணையாளர் மற்றும்...

தூத்துக்குடி: இல்லங்களுக்கே சென்று மருந்து மாத்திரைகளை வழங்கிய அமைச்சர் அனிதா ராதாகிருஷ்ணன்

தூத்துக்குடி மாவட்டம் திருச்செந்தூர் வட்டம் மெஞ்ஞானபுரத்தில் வசிக்கும் நபர்களுக்கு இல்லங்களுக்கே சென்று மருந்து மாத்திரைகளை மீன்வளம்-மீனவர் நலத்துறை மற்றும் கால்நடை பராமரிப்புத்துறை அமைச்சர் அனிதா ராதாகிருஷ்ணன் வழங்கினார்.

கோவை ஆட்சியர் தலைமையில் சமூகநீதி நாள் உறுதிமொழி ஏற்பு

தந்தை பெரியார் பிறந்த தினத்தை சமூக நீதி நாளாக அறிவித்ததை தொடர்ந்து, அவரது 143-வது பிறந்தநாளை முன்னிட்டு, கோவை மாவட்ட ஆட்சியர் ஜி.எஸ்.சமீரன் தலைமையில், துறை அலுவலர்கள் மற்றும் பணி...