Home தமிழ்நாடு தர்மபுரி, விருதுநகரில் ஒருங்கிணைந்த ஜவுளிப்பூங்கா அமைக்க முதல்கட்ட ஆய்வு அமைச்சர் ஆர்.காந்தி தகவல்

தர்மபுரி, விருதுநகரில் ஒருங்கிணைந்த ஜவுளிப்பூங்கா அமைக்க முதல்கட்ட ஆய்வு அமைச்சர் ஆர்.காந்தி தகவல்

தமிழகத்தில் ஒருங்கிணைந்த ஜவுளிப் பூங்கா அமைப்பதற்கு முதல் கட்டமாக தருமபுரி, விருதுநகர் மாவட்டங்களில் ஆய்வு செய்யப்பட்டு வருவதாக கைத்தறி மற்றும் துணிநூல் துறை அமைச்சர் ஆர்.காந்தி தெரிவித்தார்.

கைத்தறி மற்றும் துணிநூல் துறை வளர்ச்சி தொடர்பான ஆலோசனைக் கூட்டம் கோவை தென்னிந்திய ஜவுளி ஆராய்ச்சிக் கழகத்தில் (சிட்ரா) கைத்தறி மற்றும் துணிநூல் துறை அமைச்சர் ஆர்.காந்தி தலைமையில் செவ்வாய்க்கிழமை நடைபெற்றது.

இதில், கைத்தறி மற்றும் துணிநூல் துறை அமைச்சர் ஆர்.காந்தி பேசியதாவது: ஐந்து ஆண்டுகளில் ரூ.4,445 கோடி மதிப்பீட்டில் 7 இடங்களில் பெரிய அளவிலான ஒருங்கிணைந்த ஜவுளி மண்டலங்கள் மற்றும் ஆயத்த ஆடை பூங்காக்கள் அமைக்கப்படும் என்று மத்திய அரசு அறிவித்துள்ளது.

இதனை தமிழகத்தில் செயல்படுத்துவதற்கு அரசு முனைப்புடன் செயல்பட்டு வருகிறது. நூற்பு, நெசவு, துணி பதனிடுதல், சாயமிடுதல், அச்சிடுதல், ஆடைகள் உற்பத்தி ஆகிய பணிகளை ஒரே இடத்தில் மேற்கொள்வதன் மூலம் உலக தரத்திலான தொழில் கட்டமைப்பு வசதிகளை ஏற்படுத்தமுடியும்.

இதன்மூலம் அதிக அளவு முதலீடுகளை ஈர்த்து அதிக அளவிலான வேலைவாய்ப்பினை உருவாக்க முடியும். பொது-தனியார் கூட்டமைப்பு அடிப்படையில் மாநில மற்றும் மத்திய அரசுகளுக்கு சொந்தமான சிறப்பு முகமையின் மூலம் இந்தப் பூங்கா உருவாக்கப்படும்.

தமிழகத்தில் ஒருங்கிணைந்த ஜவுளிப் பூங்காவை தருமபுரி மற்றும் விருதுநகர் மாவட்டங்களில் அமைப்பது குறித்து முதல்கட்டமாக ஆய்வு செய்யப்பட்டு வருகிறது என்றார்.

கூட்டத்தில் கைத்தறி, கைத்திறன், துணிநூல் மற்றும் கதர் துறை அரசு முதன்மை செயலர் தர்மேந்திர பிரதாப் யாதவ், துணிநூல் துறை ஆணையர் வள்ளலார், கைத்தறித் துறை ஆணையர் ராஜேஷ், மாவட்ட ஆட்சியர் சமீரன், ஜவுளித் துறை பிரதிநிதிகள் உள்ளிட்டோர் கலந்து கொண்டனர்.

LEAVE A REPLY

Please enter your comment!
Please enter your name here

Must Read

மழை, வெள்ளப்பாதிப்புகளை இன்று நேரில் பார்வையிடுகிறார்: முதல்வர் ஸ்டாலின் தூத்துக்குடி பயணம்

வடகிழக்கு பருவமழை காரணமாக தமிழகத்தின் பல்வேறு பகுதிகளிலும் பரவலாக கனமழை பெய்து வருகிறது. இந்நிலையில் மழை மற்றும் வெள்ளத்தால் பாதிக் கப்பட்ட பகுதிகளை முதல்வர் நேரில் சென்று ஆய்வு மேற்கொண்டு,...

கோவை சூளேஸ்வரன்பட்டி பேரூராட்சியில் நடைபெற்ற மனுநீதி நாள் முகாம்

கோவை மாவட்டம் பொள்ளாச்சி வட்டம் சூளேஸ்வரன்பட்டி பேரூராட்சியில் இன்று நடைபெற்ற மனுநீதி நாள் முகாமில் மாவட்ட ஆட்சித் தலைவர் டாக்டர்.ஜி.எஸ்.சமீரன் பொதுமக்களிடம் இருந்து கோரிக்கை மனுக்களை பெற்றுக் கொண்டு அரசு...

கோவை மாநகராட்சி, வார்டு உறுப்பினர் பதவிக்கு அதிமுக சார்பில் போட்டியிட விருப்ப மனு

கோவை மாநகராட்சி, வார்டு உறுப்பினர் பதவிக்கு, அதிமுக சார்பில் போட்டியிட, வடக்கு மாவட்ட செயலாளரும், கவுண்டம்பாளையம் சட்டமன்ற தொகுதி உறுப்பினருமான பி.ஆர்.ஜி. அருண்குமாரிடம், வடக்கு மாவட்ட எம்ஜிஆர் இளைஞர் அணி...

கி.வீரமணி 89-வது பிறந்தநாள்: மு.க.ஸ்டாலின் நேரில் வாழ்த்து

திராவிட கழக தலைவர் கி.வீரமணிக்கு முதல்வர் மு.க.ஸ்டாலின் அவர்கள் இன்று நேரில் சென்று பிறந்தநாள் வாழ்த்து தெரிவித்துள்ளார். திராவிடர் கழகத் தலைவர் கி.வீரமணியின் 89-வது பிறந்தநாள்...

தமிழகத்தில் இதுவரை யாருக்கும் ஓமைக்ரான் கொரோனா இல்லை அமைச்சர் மா.சுப்பிரமணியன் தகவல்

கொரோனா தடுப்பூசி செலுத்தி கொள்வதுடன் அனைவரும் முகக்கவசம் அணிந்து கொண்டால் தமிழ்நாட்டில் ஊரடங்கிற்கான தேவையே இருக்காது என்றும் தமிழகத்தில் ஓமைக்ரான் கொரோனா இல்லை என்றும் மக்கள் நல்வாழ் வுத்துறை அமைச்சர்...