Home தமிழ்நாடு கோவை, நீலகிரி, ஈரோடு மாவட்டங்களில் மலைவாழ் குழந்தைகளின் கற்றல்திறனை மேம்படுத்த நூலகங்கள் அமைக்கும் பணியில் தன்னார்வலர்கள்

கோவை, நீலகிரி, ஈரோடு மாவட்டங்களில் மலைவாழ் குழந்தைகளின் கற்றல்திறனை மேம்படுத்த நூலகங்கள் அமைக்கும் பணியில் தன்னார்வலர்கள்

மலைவாழ் மக்களின் குழந்தைகளுக்காக நூலகங்களை அமைக்கும் பணியில் தன்னார்வலர்கள் ஈடுபட்டுள்ளனர்.ஓர் ஆண்டு காலத்திற்கும் மேலாக மலைவாழ் மக்களின் குழந்தைகளின் கல்வி, திறன்களை மேம்படுத்த நூலகம் ஒன்று இருந்தால் மிகவும் உறுதுணையாக இருக்கும்.

அவர்களுக்காக இந்த வசதியை ஏற்படுத்தித் தர வேண்டும் என்று பழங்குடியினர் நலனில் அக்கறை கொண்டு பணியாற்றி வரும் தன்னார்வலர் லட்சுமணன் திட்டமிட்டி ருந்தார். இதற்காக முதலில் ஒருநூலகத்தை அமைத்துத் தர பல நன் கொடையாளர்களை சந்தித்தார்.

அவரது முய ற்சிக்கு பலன் கிடைத்தது.
ஒரு நூலகம் அமைக்க முயற்சித்தவருக்கு பலரின் பங்களிப்புகளால், கோவை, நீலகிரி, ஈரோடு மாவட்டங்களில் உள்ள பழங்குடி குடியிருப்புகளில் நான்கு நூலகங்களை தொடங்குவதற்கான வழிகள் கிடைத்தன.

இந்த நூலகங்களை செயல்படுத்துவது தனது நீண்ட கால கனவு எனக் கூறும் லட்சுமணன், மேலும் அவரது எண் ணங்களை பகிர்ந்து கொண்டார்.
நான்கு பழங்குடி கிரா மங்களை அடையாளம் கண்டுள்ளோம்.

நீலகிரி மாவட்டத்தில் கோத் தகிரிக்கு அருகில் உள்ள செம்மனாரை, சத்தி யமங்கலத்தில் காளி திம்பம், கோவையில் ஆனைகட்டி மற்றும் ஆலமரமேடு பகுதியில் நூலகங்களை அமைக்க தேர்ந்தெடுத்தோம்.

இங்கு நூலகங்கள் அமைக் கப்படுவதால், அருகில் உள்ள கிரா மங்களைச் சேர்ந் தோருக்கும் பயன் அளிக்கும்.குழந்தைகள் எழுத் தாளர் உமாநாத் செல்வன் ஒவ்வொரு நூலகத்திற்கும் சுமார் 200 புத்தகங்களை நன்கொடையாக அளித்தார்.

அத்துடன் எழுது பொருள், வண்ண பென்சில்கள், ரப்பர், பிளாஸ்டிக் போர்டுகள், குறிப்பு புத்தகங்கள், ஆய்வு பொருட்கள் என ஏராளமானவற்றையும் அவர்வழங் கினார்.சுற்றுச்சூழல் ஆர்வலர் மோகன், கருப்பு பலகைகளை நன் கொடையாக அளித்தார்.

தன்னார்வலத் தொ ண்டரான வெங்கடேஷ், கணினிகளை வழங்கினார்.
கோவையைச் சேர்ந்த நிறுவனம் ஒன்று கல்வி பயிலும் மாணவர்களுக்கு தேவையான நிதி உதவியும், கற்பதற்கான அனைத்து உதவிகளையும் வழங்க முன்வந்தது.

தற்போது கொரோனா நோய் தொற்று பரவலாக உள்ளதால், அக்குழந்தைகள் கல்வி பயில, வாசிப்புத் திறனை வளர்த்துக் கொள்ள தேர்ந்தெடுத்த நான்கு இடங்களில் தற்காலிக வசதிகளைக் கொண்டு நூலகத்தை அமைத்துள்ளோம்.

எனவே, இந்நூலகங்கள் நிரந்தரமாக இயங்கவும், குழந்தைகளின் கல்வி பாதிக்கப்படாத வண்ணம் இருக்கவும் மாவட்ட நிர்வாகங்கள், அப்பகுதியில் நிரந்தர நூலகம் அமைக்க இடவசதியை ஏற்படுத்தித் தர முன்வர வேண்டும் என பழங்குடி வகுப்பைச் சேர்ந்த பெண் தன்னார்வலர் மாலதி கேட்டுக் கொண்டார்.

இது போன்ற நூலகங்கள் வருங் காலத்தில் போட்டித் தேர்வுக்கு தயாராவதற்கும், புத்தக வாசிப்புத் திறனை மேம்படுத்திக் கொள்வதற்கும் அம்மாணவர்களுக்கு உதவியாக இருக்கும் என்றார் அவர்.

நூலகங்களுக்கு வழங் கப்படும் புத்தகங்களை சேமித்து பாதுகாப்பாக வைத்திருக்க ஒர் இடம் ஒதுக்கித் தரப்பட வேண்டும்.

நூலகங்கள் பழங்குடி சமூகங்களைச் சேர்ந்த பல இளம் இதயங்களுக்கு நல்ல கருத்தை விதைத்து, கல்வியாளர்கள், எழுத் தாளர்கள், கலைஞர்கள், கதை சொல்லிகள் என பல தரப்பட்டவர்களை உருவாக்க உதவும் என்கிறார் வள்ளி.

இப்பணியில் லட்சுமணன் மற்றும் மலைவாழ் கிராம தன்னார்வலர்கள் மாலதி, வள்ளி உள்ளிட்ட நான்கு பேர் ஈடுபட்டுள்ளனர்.

LEAVE A REPLY

Please enter your comment!
Please enter your name here

Must Read

கோவை மாவட்ட ஊராட்சி கவுன்சில் உறுப்பினராக இ.ஆனந்தன் பதவி ஏற்பு

கோவை மாவட்ட ஊராட்சி கவுன்சில் உறுப்பினராக இ.ஆனந்தன் பதவி ஏற்றுக்கொண்டார். அவருக்கு நஞ்சுண்டாபுரம் பகுதி தி.மு.க. பிரதிநிதிகள் சண்முகம் தலைமையில் வாழ்த்து தெரிவித்தபோது எடுத்த படம்.

ரஜினிகாந்துக்கு முதல்வர் மு.க.ஸ்டாலின் வாழ்த்து

திரைவானின் சூரியன் ரஜினி, தமிழ்த் திரையுலகை அடுத்த கட்டத்திற்கு கொண்டு சென்று உலகளவிலான பல விருதுகளை பெற வேண்டும் என்று முதலமைச்சர் மு.க.ஸ்டா லின் கூறினார்.

கோவை சாந்தி ஆசிரம குழந்தைகளுடன் சர்வசமய தீபாவளி கொண்டாட்டம்

கோவை சாந்தி ஆசிரமத்தில் எச்ஐவி எய்ட்ஸ் நோயால் பாதிக்கப்பட்ட 30 குழந்தைகள் மற்றும் அவர்களின் குடும்பத்தினருடன் தீபாவளி விழா கடந்த 13 வருடங்களாக கொண்டாடப்பட்டு வருகிறது.

துணை ஜனாதிபதி வெங்கையா நாயுடு இன்று வழங்கினார்: ரஜினிக்கு தாதா சாகேப் பால்கே விருது

ஒன்றிய அரசு சார்பில், 67வது தேசிய திரைப்பட விருதுகள் வழங்கும் விழா, டெல்லி விஞ்ஞான் பவனில் இன்று நடைபெற்றது. இதில் நடிகர் ரஜினிகாந்துக்கு சினிமாவின் மிக உயரிய விருதான தாதா...

கோவை மாவட்டத்தில் வளர்ச்சி திட்டப் பணிகள் குறித்து அனைத்து துறை அலுவலர்களுடனான ஆய்வுக் கூட்டம்

கோவை மாவட்டத்தில் செயல்படுத்தப்பட்டு வரும் வளர்ச்சி திட்டப் பணிகள் குறித்து அனைத்து துறை அலுவலர்களுடனான ஆய்வுக் கூட்டம் மாவட்ட கலெக்டர் அலுவலக கூட்டரங்கில் மின்சாரம், மதுவிலக்கு மற்றும் ஆயத்தீர்வைத் துறை...